بنات مساعدتكم ضروري زوجي والبنات

السلام عليكم
صبحكم الله بالخير


انا بدخل ع طول بالموضوع انا صارلي الحين سنه بالضبط من تزوجنا مشكلتي مع زوجي بدت

من اول الشهور دريت ان زوجي عنده علاقات في مختلف البرامج تويتر انستغرام كل اللي يطري عليكم

شلون دريت الصبح كنت ارتب الغرفه وهو كان بالصاله شلت تلفونه علشان ارتب وانا اشيله والا اشوف رساله بالانجليزي اي ميس يو مت من الحره وتكلمت ماسكت وتهاوشنا بس غير شوي من نفسه ماقام يمسك تلفونه وايد

طبعا شكيت لاختي حالي وقالت لي المفروض ماتخلينه يدري انج عرفتي لان بيقول هذي تدري عني وراضيه فيني وعقب قمت ادخل النت
ولقيت الاغلبيه يقولون المفروض ماتبين لزوجها انها تدري
وتحاول تبحث عن اللي يعجبه ويسعدها وكل هذا قاعد اسويه

المشكله الكبيره الحين
انا لاحظت زوجي من 3شهور متغير ماعاد يهتم ولايسال فيني وكذا مرا كلمته شفيك ليش متغيرخل نتقرب من بعض
يرد علي بهواش وانا شنو مقصر معاج ولايعطيني مجال اتكلم
التلفون ماقام ينزل من ايده
اقعد جنبه يقوم او يغير مكانهاو قعدته علشان ماشوف شاشة التلفون

اللي انصدمت منه ولاقادره انام من شفته وتمنيت الارض تبلعني
تو قبل اسبوعين
كنت قايمه الفجر بروح الحمام اكرمكم الله
طلعت بشوف الساعه علشان اذا وقت الاذان صار قلت اصلي وانام قمت ادور ساعه اشوف الوقت كان ظلمه
طاحت ايدي ع ايباد زوجي
وليتني مامسكته بدون مافتحه رسايل طالعه بالشاشه وقريتها
وليتني ماقريته وتحسفت اني وقتها ماقعدت من نومه وخليت يشوف لاني مو قادره القى دليل وواضح غير اللي شفته

طبعا الرسايل كانت مثل الطراق ع ويهي
كاتبت له كلامانا استحي اقوله وغير هذا تكلم فيني عندهكاتبه له الضاهر المدام عاجبتك وتحبها ماتبي تكلمنا
بنفس الوقت تضايقت وفرحت لان شفت انه قاعد يردهم
بس في رسايل ثانيه كانت اعبر واللي فهمته انها كانت تعرفه من زمان وقطع علاقته فيها لان من بين الرسايل كاتبه له
الله يخليك انا تعبت لين وصلا لك ولقيتك
ابي اشوفك مرا
حفظت الاسم وكتبته بقوقل وطلعت لي الاخت الحبيبه ولقيت حسابها بتويترولقيت كل كلمه كاتبتها له
مت من البجي ولاعارفه شسوي
وهي مو مخليته بحاله قبل يومين في الليل قام تكلم بالتلفون وكان يصارخ ومعصب وكان يتكلم كانه يكلم رجال بس انا فهمت

انه مو رجال اللي قهرني وذبحني يحلف بالطلاق علي

يومها مانمت ولاشفت النوم لي اليوم
وكلمته ليش تسترخني وتحلف فيني طبعا ماقلت له اني انا فاهمه انها بنت
وقام يرقع انا معصب وحقج علي انتي زوجتي اللي افتخر فيها ولف ودار علشان بس مايبين لي شي

انا موقادره اتحمل احس خلاص معاملته تغيرت لي
بنات انا مومقصره معاي بشي ودايما يذكر هالشي اني زينه معاه بس مادري شسوي تعبت

انا قاعد اكتب ومو نايمه افكر شسوي

اقول لاهلي
طرت علي امه اكلمها

وغير هذا حتا بالانستغرام البنات اشكره يتغزلون فيه ولا كلمته يهاوش وانا كل شي اسوي قدامج يقول لاتخلين اسوي لج بلوك

تعبت تعبت
بكل صلاة قاعد ادعي الله يهديه ويبعد عنه بنات الحرام واصدقاء السوء



علموني شسوي
شلون اغيره او بالاصح ابعده عن هالامور
صلاة ماقام يصلي


ناطرتكم وابي مساعدتكم