حيل تعبانة

مرحبا بنات
انا متابعة قديمه بمنتدى كويتيات وهاي اول مشاركة كنت مكتفية
بالمتابعة فقط وكثير استفاديت بس من فترة سجلت وكنت اريد اطرح مشكلتي وترددت
بس اليوم قررت اقول مشكلتي لان حيل تعبانة
انا صارلي سنتين مزوجة وعندي طفلة عمرها سنة ونص اول مزوجت ماكنت اعرف كثير عن الجنس
واذا هالشخص عنده ضعف او لا بس بعد 6 شهور من زواجي حسيت اكو شي مو تمام فا سويت سيرج بقوقل
وعرفت انو زوجي عنده ضعف يعني بنات انا دائما امثل انو وصلت للنشوة لان اذا ماحسسته بهالشي
احس حيل يتضايق انو هو فشل واول زواجنه شفته كم مرة بموقع اباحي وصارت بينه مشكلة وحلف ميعيدها
من يومها ماشفته بهيج مواقع بس الصراحه مو مصدقه لان حسيت صار حذر اكثر علمود هيج صرت مااشوف شي
وهم كم مرة شفت كلينكس وكتله شنو هذا قال لما كنتي نايمه تقربت منج وصار هالشي بس ماصدقت
بنات اعرف انو كثير من الشباب كانو يمارسون العادة السرية قبل الزواج وادري هالشي ياخذ وقت حتى يتخلص منه
بس صارلنه سنتين يعني مااتصور تعب نفسه وحاول يبطل هالعادة الحقيرة انا حيل منقهرة واحس كل مشاكلنه
التافه سببها انو هو عنده ضعف لان هو يحس نفسه فاشل من هالناحية فا يفرغ الشحنه البيه باختلاق مشاكل تافه
بنات انا مااريد شي بس اتمنى يصارحني والله راح اوقف وياه واخليه يتخطى هالمشكلة بس هو اصلا مفكر انو انا مو حاسه بهالشي
انا مو من النوع الي عندي الجنس رقم 1 بحياتي لا اصلا مااهتم لو مرة كل سبوعين كافي بس الي مضايقني انو هالمشكلة
مسببتلنة مشاكل ثانية لان زوجي مو صريح وياي مااريد اذكر المشاكل لان لباجر مراح اخلص من كلامي
بس انا ادرس واحس هالمشاكل متعبتني وماتخليني ادرس اريد حل بنات ساعدوني انا مااقدر اقول لخواتي هذا شي خاص
اريد تنصحوني شنو اسوي افاتح زوجي بالموضوع انو انا ادري هو عنده ضعف الو اسكت محتاره
ادري حجيت كثير بس اتمنى اشوف ردود تريحني

شكرا