الى متى ياسعوديين..من جد الى متى !!
الشاب السعودي : دائما زعلان تقول الســــــــــلام عليكم يقول هلا كيف حالك يقول هلا هذا
وانت جايه في مكتب رسمي مكتب الحكومه اجل لو جايه في بيته ولابيت ابوه ايش بيســوي
الشاب السعودي : دائما مستعجل يقطع الاشاره والاخير يوقف عند البقاله الي بعد الاشـــاره
عشان يشتري دخان ولا بطاقه شحن بعشره ريالات..قد يرتطم بسياره الاشاره فاتحه لقائدها
ويمشي في امان الله وفجئه يجيه هذا المتهور وينثره وينثر شمل اسرته والسبب تهور شـــاب
..احيانا يكون فيه زحمه في شارع ضيق فتجد كل واحد يبي يدخل ويتقدم على الاخر بالسياره
..والسياره خلف السياره ماتسمع الا صوت صفير الحساس من كثر ماهو ملحم في الســـياره
من الخلف.. وشوي الا وهم متصادمين وينتظرون بدل الخمس دقائق خمس ساعات وتلفيـــات
بالسياره..ياخي اركد وخل عندك ذوق اذا شفت واحد متهور وبايعها ويبي يدخل قدامك بالقوه
افتح له الطريق واشر له بيدك وقول تفضل.. لابد نكون متسامحين لدينا ذوق رفيع
في القياده. الشاب السعودي : مسرع مايعرف يمشي 120 مستحيل
تجد من يقود سيارته بهذه السرعه الهادئه بل 180 واذا قدر الله
وحصل حادث راح حب..تناثرت اشلائه كما تتناثر اجزاء السياره..
الشاب السعودي : سرعه جنونيه ويطوف من الكتف ويعبث
بين السيارات تقول الشارع ملك لابوه او مافيه احد الا هو..
والاخير يبي يروح يسهر مع الشباب بلوت ولا جلسه في
طعس ولا على الكورنيش.. من شافه قال بيروح يحرر
فلسطين. الشاب السعودي : ممنوع التدخين في
الاماكن العامه اول مايدخل مجمع تجاري كبير
تجده يتلفت يمين ويسار تقول رادار يدور
اكرمكم الله دوره مياه.. واول مايدخلها
يبق السجاره يشعلها ويمخمخ
ويخطط كيف يطلع مليونير
ويشتري المجمع التجاري
الي هو فيه..اي انسان اخر غير مدخن
تجده متضايق جدا حين ارتياده دوره المياه
اكرمكم الله من قوة المحرقه الي داخلها تدخين في
تدخين..واذا كان المدخن ابن حلال طلع عند الباب الرئيسي
وجلس يدخن ويضايق خلق الله وكانه يقول والله ماتدخلون المجمع
الا وانا مبخركم ومعطركم بريحه دخاني. الشاب السعودي :المسجل على
اخر شي في الكورنيش تجي انت وعائلتك تبون ترتاحون ويلعبون اولادك..الا وصوت
الانفجارات.. بم.. بم.. بم.. وربي تقول قنابل عنقوديه.. والاخير مستهتر مكدش..ومركب
شجره فوق راسه تقول عرفج.. ولا رابط له قذله..ومركب فيها بكله.. ياحليله رايح جاي..جاي
رايح..واذا طلع ولد ناس ومحترم تجده مركب دبات وصوت السياره تقول طياره..ويشحط في
السياره (جيب) حن..ببببم(يسمونه تفجير)..حن..بببم.. هديرها تقول بتطير..ويطقها في نمره
ليمن تطلع البساتم مع الجنب..وعادي ماتخرب.. وان خربت رماها وجاب غيرها. والحين رمضان
على الابواب.الشاب السعودي :معصب دايخ تعبان على طول نايم..واعصابه مفلوته..وقــــــبل
الفطور بخمس دقايق يقطع الاشارات.. ويقود سيارته بجنون كانها نهايه العالم اذا اذن وهــو
ماهو على السفره..هؤلاء الشباب الي بيحررون فلسطين هؤلاء هم جيل المستقل هولاء
عماد الوطن وركيزته..واكبر دليل ان جميع المتقاعدين تعاقدوا معهم الدوائر الحكوميه التي
تقاعدوا منها لعلمهم ان الجيل الجديد لايعتمد عليه .. بل في قمه الاستهتار في جميع
الاتجاهات.. لذلك تجد الدوله حفظها الله تتعاقد مع كبار السن ولاتفرط فيهم ابدا فـــي
جميع المجالات سواء عسكريين او مدنيين طبعا ليس الجميع كذلك بل هناك شباب
يضرب به المثل في الكرم والنبل والشهامه والاخلاق
والرقي والتقدم لابد ان نعدل سلوكنا
ونقوم انفسنا وان نعلمها الاحترام في
الطريق والتعامل وحسن وفن النقاش
والحوار. ذهبت للغرفه التجاريه في ضل
هذه الزحمه واذا بالموظف..السعودي يلهث
وكأنه بيموت من الارهاق والتعب ويردد كلمه خلها
على الله.. خلها على الله سلامات ايش السالفه..فرد
وبادرني قائل اصعب عمل هو العمل الذي تتعامل فيه مع
الجمهور.. واصعب جمهور او عملاء اتعامل معهم هم السعوديين..
ياخي يبون كل شي بسرعه وكاني اله قدامه.. ويتكلم معي بفوقيه
وعدم احترام..ليست هذه اخلاق المسلم.. بل من الواجب ان نكون
لطيفين في تعاملنا وفي اسلوبنا.. والا نكون متحجرين بل لابد ان نكون
لينين في القول والجانب ونشكر كل من يقدم لنا خدمه..ونكون مضرب
مثل في التعامل الطيب والتسامح.. هذا وكل عام وانتم بخير
ماعليناااااااااااااااا
ابوهيله
