*اول يوم مدرسه في الثنويه الكل ياي ماله خلق *و ملان والي مستأنس عشانه دخل الثنويه*
تلاقينا انا و فطومي و بشور و ايون في صف واحد بس كنا ما نعرف بعض وكتها*
انا شيخه انصدمت انه ما اعرف ولا بنت في الصف*
آيات اول اسبوع كانت غايبه وماتدري عن المدرسه و لا هوا دارها*
فطوم بشور استانسوا انهم مع بعض بس مريوم ضاق خلقها انها في صف بروحها ما تعرف احد فيه*
مثل ما انا انصدمت بصفي*
شيخة في قلبها : افف استغفر الله الحين وين ألقى سارووه ليش مو في صفي أهي أهي*
بنيه : في احد يمج*
شيخة : لا حياج :)*
بنيه: ثنكس*
فاطمة : ويع ويع ليش مو مخلين مريوم معانا*
بشاير : اي قطع*
المهم مر اول سبوع مدرسه و شيخة غابت اخر ثلاث ايام بالسبوع رائحة عمره >> الله يتقبل مني*
بعد ما ارجعت شيخة انصدمت انه في بنت ايديده بالصف*
ما اهتميت و كنت أتم في الصف و تيني رفيجتي سارووه من صفها تقعد معاي*
المهم تمر الايام و تي البنيه الايديده الا و هي : آيات و تقعد يمي*
تعرفنا على بعض صرنا زميلات
*
وفي يوم من الايام المدرسية الممله أطلبت أبلة العرب من فاطمه و بشاير يغيرون مكانهم و يقعدون و رانا انا و آيات*
و من أهني تعرفنا على بعض و صرنا قروب على قلب واحد*
شيخه آيات فاطمه بشاير *
و مع الايام فطوم و بشور عرفوني انا و آيات على مريم و تقبلناها بكل حب و سعة صدر لان بختصار مريوم تدخل القلب من اول قعده*
مرت أيام و إحنا طلعات و زيارات و روحات و يايات*
يا اليوم الي كل بنت تختار تخصصها علمي او ادبي*
شيخة: ها بنات شنو بتحطون*
بشاير : ادبي و انا مغمضة*
شيخة: هوووو ليش بشور حرام عليج هذه الشطاره و ادبي*
فاطمة: ايه قولي لهاعيزت و انا أكلمها و أحاول أقنعها ماكو فايده*
شيخة: بشيير من صجج*
بشاير : ايه أخاف ما شفتي هذه السنة البنات الكورس الاول يقولون امتحان الرياضيات كان تعجيزي و نسبة الرسوب 95٪*
شيخة: و يعني بعدين مستحيل يعيدون الغلطة الي سوها هذه السنة مره ثانيه و بعدين انتي شاطره ما شاء الله كلش ما اشوفج ادبي*
آيات: هي هي انتي معاها انتوا علمي كيفكم مالكم شغل فينا انا و بشوري إحنا ادبي يلا مناك مناك
شيخة: مادري والله كيفج بس لا تخلين خوفج من الرياضيات يخليج تضيعين مستقبلج انت شكلك يوحي دكتوره مهندسه والله لا تأثر عليج أيون تبي شرطة*
بشاير : مادري اروح البيت و اسأل أمي*
شيخة: على العموم الله يوفقج و يوفقنا وين نروح*
فاطمة: علمي مع مريوم*
شيخة: وانا معاكم ان شاء الله
آيات: اي خوو شعليكم دواافيير مصيبة*
شيخة: قل أعوذ برب الفلق تف تف تف علينا*
فاطمة: قولي ما شاء الله*
آيات: ما شاء الله ما شاء الله لا ينط لكم عرج*
وتمر الايام و يخلصون البنات عاشر و يروحون الحادي شعر وتكبر علاقتهم ابعض وو في يوم من الايام*
فرح: شييخة شيووخ*
شيخة: هلا فرح شلونج شخبارج*
فرح: الحمد الله بخير الله يسلمج أقولج شييوخ صج الي سمعتة انج انتي صار لج سنتين في نادي ال.....*
شيخة: اي من صجج انا بدون النادي هذا اظيع*
فرح : انزيين في احد معاج موجود أهني بمدرستنا*
شيخة: ايه حنوون و صبووح و رقوون بس ليش*
فرح: الله كلكم الشامية*
شيخة: يب يب*
فرح: اوك انا في *حطين و في بعد ثنتين شرايج نمسك قروب ال..... نكون سبعة و ان شاء الله اذا الله كاتب نزييد
شيخة: حلو بس تهقين ناظرتنا بتعجبها خو تدرين ناظرتنا مو مثل مدرسة ال و ال*
فرح: لا لا القروب كان موجود السنة الي طافت و كانوا ماسكينا بنات 12 بس تخرجوا و مسكته انا لاكن ماكو عضوات*
شيخة: حلو حلو خلاص اكلم انا البنات و ان شاء الله خير*
فرح : بعد قلبييي شيوووخ انتي وينج من زمان عني بس*
شيخة: حبيبتي :***
طبعا كلكم مستغربين منو فرح و شنو هذا القروب إحنا بنات نحاول و نجاهد في زرع بعض القيم الاسلامية المفتقدينها بنات الثنوي بطريقه حلوه و مرحه*
آيات: شيوخ منو هذه*
مريم: توته انتي ما تعرفين شيوخ علاقات مع الكل و الجميع*
شيخة: هوووب هوووب قولي لا إله الا الله إنسانة اجتماعية شحارج يا ربي*
فاطمة : انا يوعامة خالنروح المقصف*
بشاير: ايه والله حتى انا شيوخ كله ماخرتنا*
شيخة: لا إله الا الله*
رفيجاتي تضايقوا شوي كوني كل يوم و تركهم و *اقعد مع بنات القروب و ما اقعد معاهم بس نفس الوقت كانوا يستأنسون لي و للقروب لما يشوفون برامجنا و يفرحوني لما يقولون أثرت فيهم*
مرة الايام و خلصنا الحادي عشر و الثاني عشر و اليوم حفلة تخرجنا اااااااااه ياحلاتها من فرحة محد بحس فيها الا الي تخرج أخيرا ما بقينا*
بسم الله الرحمن الرحيم*
هذه كانت مقدمة بسيطة عن قصة إحنا مثل ما شفتوا خمس بنات على قلب واحد اذا صار بوحده شي كلنا نفزع لها و هذا لا يعني انه ما تصير بينا مشاكل تصير بس حبنا و الإيجابيات مغطيا على السلبيات اول شي أعرفكم فيني انا شيخة الراويه*
شيخة: هادية و نوعا ما متدينة و شاطره في دراستي بس هم على عرات خريجة علمي مثل ما تعرفون ... احب تتفنن بالطبخ و الحلو بالذات ... اممم طولي172 احم احم ادري طنطل وزني 75 بيضة عيوني صغار البس نظاره طبيه ما احب العدسات كلش شعري طويل لي اخر ظهري لونة اسود مافيني جمال بس مملوحة و طبعا متحجبة*
فاطمة: فطوم هادية مع الكل و الجميع بس معانا تقلب وحده ثانية دافووووره شوي عليها تأكل الكتاب اكل طبعا خريجة علمي ....تمووووت على الكوريييين تعشقهم عشق و طبعا تتفلسف فيهم علنا .. طولها 163 وزنها 55 شعرها اسود ناعم حريري جناعي لي نص ظهرها بيضة و بياضها أينن متحجبة*
بشاير : عاد هذه هداوتها صاكة علي و على فطييم ماكو مثلها كلش خريجة ادبي مثل ما تعرفون على هداوتها مادري ليش تحب او تعشق الاغاني الاعراقيية. ... طولها 166 وزنها 43 شعرها اسود قاصتة فراولة سمره اعيونها مسحورة تيين خشمها مسلون *جمييلة بشوور على سمارها متحجبة*
مريم: عاد هذه اهيا صوب و الهداوه صوب ثاني كل تضحك ما عمري شفتها معبسة ربي يتمم عليها خريجة علمي على أنة مو ذيج الشطاره بس هم شدة حيلها تحب تغامر بعمرها وايد يعني من الاخر بائعة عمرها...طولها 170 وزنها73 حنطاوية شعرها في شقار شوي طويل لي اخر ظهرها أحلى شي فيها ابتسامتها الي تشرح النفس*
آيات: عاد هذه فاسخة الحيا مره وحده عقرب رمل السانها يلوط اذانها مهملة في دراستها اذا ما جابلتها انا مستحيل تدرس خريجة ادبي ..طولها 169 وزنها69 جسمها متناسق برونزيه عيونها مسحورة شعرها اينن بس لاعبة في لعب قص و صبغ الوحيده الي مو متحجبة اهيا*
بسم الله نبدئ قصتنا*
شيخة: بنات أخاف اتكرفس(أطيح) بالكعب لما ينادون اسمي
مريم : كاااااك حلاتة قلعتج محد قالج تلبسين*
شيخة: يالخرا مريوم وربي مالي خلق لج*
فاطمة: ما عليج منها سمي بالرحمن و امشي ان شاء الله خير
مريم: طاعو توتة و بشوور اشكالهم تضحك بشور شكلها متوتره*
فاطمة: اوف حدا اهيا مساع شوي وتبجي*
شيخة: وي بسم الله عليها ليش احد يتوتر يوم تخرجة*
فاطمة: لا مو عشان جذي بس أبوها محنج على أمها وخواتها ما أيون
شيخة:استغفرالله العلي للعظيم هذا شلون صاير من ابو*
مريم: الله يأخذا و يفكهم منه و من مشاكلة هالي ما يخاف ربه*
شيخة: لا مريوم لا تدعين عليه خالندعيلة بالهداية الله يهديه بس*
فاطمة مريم : اميييين*
بالجهه الثانية*
آيات: بس عاد بشور ان شاء الله راح أيون لا تعورين قلبي*
بشاير: انتي ما شفتي شمسوي تخيلي أيون انا من يومين نائمة عند خالتي عشان ما يقولي حتى انا ما اروح مادري شنو فائدة الحفلة بدون الأهل ليتني ما يت*
آيات: بشور خلاص خلاص شوفي شوفي بدت الحفله*
بشاير:منقمتة*
آيات: شفيييج تبيين نطلع ولا ايبلج بخاخج *
بشاير: لا مافيني شي خلاص*
آيات: علينا*
بشاير: طاعي العريفه بنت عمة *شوييخ *عائشة*
آيات: بشوور شوفي جدام شوفي من دخل*
بشايرتلتفت: منو اهلج ما أشوف احد*
آيات: يا غبية شوفي مو هذه أحلام مع هيا*
بشاير طارت عيونها : وين وين اييه صح حبيبتي حلوم أكيد منحاشين*
آيات تلمها: خلاص عاد ابتسمي خواج و احظروا*
بشاير تبتسم الا شقت الويه شق : الحمدالله الحمدالله*
عايشة: والحين نبدئ بتكريم الخريجات المتفوقات من القسم العلمي*
فاطمةال... *
**شيخة بشاير مريم و آيات: عاااااااااشت فطووووووووم و تصفيير و تصفق
واخيرا و ليس آخراً شيخة ال...*
بشاير آيات فاطمة مريم: اوووووهووووو شيوووخ عاشت عاااشت**
عائشة: بعد طالبات العلمي ننتقل لقسم الادبي*
بشاير ال.....*
: ايواااااا عاشت عاااشت بشووووور
عائشة: تكريم بقية الطالبات من القسمين العلمي و الادبي*
مريم ال.....*
: عاااشت عاااشت مراامي*
آيات ال...*
: رووووح آيوا عاشت عاشت*
عائشة: الف مبروك التخرج بنات و مثل ما ابتدينا حفلنا بآيات من القران بننهي حفلنا أيضاً بآيات مع الطالبة شيخة ال.. الي صوتها عذاااب*
شيخة: احم شكرًا عائشة بسم الله الرحمن الرحيم*
*"الم ،ذلك الكتاب لا ريب فيه هدى للمتقين ، الذين يقيمون الصلوه و مما رزقناهم ينفقوون ................"*
عائشة: يزاج الله خير شيوخ و الى *هنا ينتهي حفلنا نشكركم حظورنا الكريم و نبارك لكم بتخرج هذه الكوكبة من الطالبات وو السلام عليكم و رحمة الله و بركاته*
قمنا و حذفنا كبابيسنا صارخنا لمينا بعض أخيرا أخيرا تخرجنا بعد 12 سنة دراسة و كرف و تعب الحمدالله الحمدالله على هذه الفرحة*
شيخة تلم أمها : يما أخيرا أخيرا خلاص خلاص ما بقينا وااااااااي صج فرحة*
بو شيخة: خلاص عاد وخري عن امج و تعالي سلمي علينا*
شيخة: يبا حبيبي شفت شلون بيضت و ويهك و رفعت راسك*
بوشيخة : حبيبتي بنيتي الف الف الف مبروووك و منها للأعلى ان شاء الله
عبدالله: تعالي يالخايسة والله و كبرتي و تخرجتي*
شيخة: ايه شعبالك *واااي عبووود احبك احبك احبك*
عبدالله : يالبطة انا ظابط تقوليلي عبود*
شيخة: ياعمي ظابط بالدوام مو عندي انت عبود اخوي و حبيبي و عضيدي تعال صبر شلون خلوك تطلع*
عبدالله: لعيونج كل شي اسوي*
شيخة:بعد قلبي اخوي والله*
ام شيخة: شيوخة حبيبتي*
شيخة: يما بسج بجي ترا أبجي معاج*
ام شيخة: ان شاء الله حبيبتي تعالي خالنصور*
بشاير تبجي و تلم أحلام : ما توقعت تيون شلون خلاكم و وين أمي*
أحلام : ماعليج شلون ينا اهم شيأنة ينا و شفناج الف الف الف مبروك بشور والله طلعتي مو هينة الاولى على الدفعة*
بشاير تضحك و تبجي : ههه شفتي شلون احسن منج*
*شيخة: سلام عليكم*
أحلام هيا : وعليكم السلام*
شيخة: مبروك أحلام على تخرج بشوور*
أحلام : الله يبارك فيج*
شيخة: امشي بشور ندور البنات عشان نصور*
ام مريم: أخيرا فرحتيني و تخرجتي مبروك حبيبتي*
مريم: يما شنو هذه الدموع خلاص عاد مشيها
ام مريم: حبيبتي هذه دموع الفرح والله انج رفعتي راسي و راس ابوج*
مريم: بعد قلبي يما*
بو مريم : هلا هلا بحبيبت أبوها مبروك يبا*
مريم: حبيبي يبا الله يبارك فيك*
حصة تطقها على جتفها و تغمز : والله و كبرتي و تخرجتي*
مريم: ايه شعبالج*
ساره: مريوم يالخايسة تعالي خالاحبج و اصور معاج*
مريم : اي مو لله حق الاستغرام*
ساره حصة : اخخخخ*
شيخة: مريوووووووم يلا يلا صوره جماعيه*
ام فاطمة: يحليلج بالنزغه كبرتي و تخرجتي*
فاطمة: ماما ههههه تراني صرت كبيره*
بوفاطمة: يا حلوج يا فطييم*
صالح: تعالي تعالي يالبطة*
فاطمة: انا مو بطة هي*
عزيز يلمها : ايه عاد حدك على حبيبتي فطومي*
فاطمة: هي انت وخر شقولون عني البنات استح على ويهك*
دلال : مبروك حبيبتي فطومة*
فاطمة: الله يبارك فيج حبيبتي مرة اخوي وين احمد ؟؟؟*
دلال: عنده حالة طارئه ما قدر اي ولا كان بخاطره*
فاطمة: حبيبي اخوي*
شيخة: فطييييييم تعالي بسرعه نبي صوره جماعيه*
بو آيات: هلا هلا بدلووعة أبوها هلا بنور عيني*
آيات: يبه و تلمة ما بقيت اتخرج*
ام آيات: ايه لو مو رفيجتج الله يذكرها بالخير جانج ليلحين بعاشر*
آيات : يمااااااااااا*
بو آيات: خلاص يا ام سلمان خلينا فرحانين بتخرجها*
آيات: ايه والله*
أمينة تلمها : الف الف الف مبروك التخرج يا حلوه*
آيات : حبيباتي الله يبارك فيكم*
شيخة: ايوووووون تعالي بسرعه بنصور صوره جماعيه
شيخة: يلا فوزية صورينا بنااات جييييييييززز*
شيخة: ها حلو فوزية حلو الصوره*
فوزية: ايوه بتعئد *
صورنا و صورنا بينون هاليوم ما يتكرر بالعمر كله بعدها كل وحده راحت مع اهلها*
بشاير: أحلام الحين وين بنروح
أحلام: بشور *ما ودي يضيق خلقج بهذا اليوم بس لازم تعرفين*
بشاير: ليش شصاير*
أحلام: ابوي امس*
بشاير: احلامووو تكلمي شفيه ابوي*
أحلام: بشاير ابوي توفى*
بشاير: شنو توفى توفى توفى انتي شتقولين لا لا مستحيل أحلام هذا ابوي تعرفين شنو يعني ابوي لا لا مستحيل ترا مو وقت غشمره هيا هيا تكلمي قولي شي ليش ساكتة*
أحلام: بشوور حبيبتي خلاص والله امس كان يسوق و اهوا مو في وعيه و سوا حادث ووو*
بشاير: لا لا لا مستحيل ما يصير ما يصير و أمي أمي شنو سوت أحلام ابوي ابوي ماكان جذي ليش ليش منو غيره علينا منو*
أحلام: خلاص خلاص بشاير والله كافي الي فيني خلاص*
بشاير : يا حسرتي يا حسرتي
آيات: بابا تخرج و تخرجت والله ابي سيارة مليت من القرنبعة (مكحينة) الي عندي*
بو آيات ؛0:تأمرين امر جم آيات عندي انا*
ام آيات: عاد أقولج ترا خالتج و عيالها بيون بأجر الكويت تجهزي*
بو آيات: ام سلمان شفيج انتي اليوم*
آيات: شنو اليديد كل مره أيون اهما*
ام آيات: لا هذه المره غير انتي كبيره و انتي تدرين انه جابر ولد خالتج خاطره فيج و كان ينطرج بس تتخرجين*
آيات: هااا ..... ورااح فكرهاا بعيد حق ذاك اليوم*
كانوا بالبر ببداية الشتا*
آيات: اموووون قومي نتمشى ترا لاعت جبدي واحنا حاكرين عمرنا بالخيمة*
أمينة: توتة مالي خلق روحي انتي *
آيات: افف ليتني رجعت مع البنات مو جذي قاعده لا شغل ولا مشغله
أمينة: ايه طلعي شماسكج روحي*
آيات: هذا الي بصير ...وطلعت تتمشى برا المخيم مشت و مشت*
آيات:*اول جروحي قلب ميت من الإهمال*
ثانيه صدمت حب مات برواقت بال*
اول جروحي قلب ميت من الإهمال*
ثانيه صدمت حب مات برواقت بال
ما عدت انا اهتم بجراح ما تلتام*
ما عدت انا اهتم بجراح ما تلتام
: ليش عاد هذه الاغنية*
آيات: أعوذ بالله منو انت*
: شدعوه ايونتي ما عرفتيني*
آيات: لا منو*
: شفيج تتلفتين*
آيات: ادور المخيم شكلي ضيعت*
: لا ما ضيعتي امشي معاي و أوصلج*
آيات: نعم خير اقول عطني عرض اكاتفك صج ماتنعطون ويه*
: شدعوه يا حلوه لي هذه الدرجة تغيرت عليج*
آيات: اقول بتقول انت منو ولا ادق على اخوي اي يشوف شغلة معاك*
: احم احم انا جابر*
آيات: جابر ما غيرك ولد خالتي سهى*
جابر : ايه شفيج منصدمة
آيات: هه لا ولاشي بس متى يت و تخرجت*
جابر: امشي من هذه الجهه والله صارلي شهر تخرجت و على طول على الكويت بقعد سبوع و بعدها بروح البحرين
آيات: اها عيل خلاص الحين نناديك المحامي جابر*
جابر: ايه شعبالج انا ما تغربت الا عشان ارفع راس اهلي ووبصوت واطي عشانج *
آيات: يا انت يعني ما سويت شي مني مناك
جابر: لألا انا رايح طالب علم مو حق الخرابيط*
آيات: علينا جبوور*
جابر: المهم ايون ودي اكلمج بموضوع*
آيات : خير
جابر: خير بويهج.. بسالج الحين انتي جم عمرج*
آيات: 18 ليش*
جابر: انزين متى بتتخرجين هذه مو سالفة كل سنة تعيدينها*
آيات: جبووور اعتقد هذا الشي ما يخصك*
جابر: انزين إحنا و صلنا سجلي رقمي عندج و دقي علي اي وقت فاضية فيه*
آيات: يصير خير*
وو خذت رقمت و اختفى من حياتها مره وحده*
بو آيات: توتة آيات آيات يبة*
آيات: هلا بابا
بو آيات: وين رحتي*
آيات: معاك معاك*
بو آيات: يبا انتي فكري و واذا ما تبينه قولي ترا ماكوا شي بالغصب*
آيات: ان شاء الله*
*
*شيخة: يبا وين رايح*
بو شيخة: بيت أمي*
شيخة: اها بس عقب نروح بيت أمي شمة*
ام شيخة: ايه يما لازم
شيخة تبتسم : حلو عبدالله راح اي*
ام شيخة: مادري عنة دقي عليه*
شيخة: عاد كيفكم ابيكم تعشوني برا اليوم*
بو شيخة:تأمرين امر جم شخ شخ عندي انا*
شيخة: بعد جبدي يبا*
بوشيخة: السلام عليكم
: وعليكم السلام*
لولوه:هلا هلا بخريجتنا مبروك مبروك*
شيخة: الله يبارك فيج عمتي الفال حق فوزية الحلو يختي كبرت صارت زوغه*
لولوه: ايه صارت شحلاتها*
أمي شيخة: ها يمة خلاصتي من المدرسة و تعبها*
شيخة: هههه ايه والله يمة افتكيك*
سهام: عيل وين عواش بنت صباح*
شيخة: مادري والله انا يوم اطلع من المدرسه كانت طالعه*
خالد: السلام عليكم .. اووووه عندنا خريجة مني*
شيخة: هههه عمي*
خالد: على البركة يبا*
شيخة: الله يبارك فيك*
عبدالله: السلام عليكم*
: عليكم السلام*
عبدالله: ها جنة الجو كله حق شخ شخ آليوم*
عبداللطيف: ايه من قدها خريجة و ان شاء الله تدخل حقوق مثل عمها*
بدر: وو ولد عمها لا تنسى أني اكبر منك*
شيخة: ههههههههه عمي عبداللطيف *بدر انا علمي مو ادبي عشان ادخل حقوق*
عبدالرحمن : كااك قصة اويوهكم*
صباح : ما شاء الله ها بوعبدالله سبقتونا السلام عليكم
بوشيخة: عاد انتوا طلعتوا قبلنا وين رحتوا*
صباح: ماكو مرينا النزهة شوي تسلم على يدتها و عمامها
*فاطمة: بابا وين بتوديني اليوم*
بو فاطمة: المكان الي تحبينة بس نروح اول حق يدتج*
**
مريم: يمة شدعوه عليج اليوم تخرجي و بتروحون على طول البيت خو طلعوني حسوني متخرج.*
ام مريم: يمة منج مطيوره نطري رزقج يايج*
بوشيخة: يلا يما إحنا ماشين
أمي شيخة: الله يحفظكم*
شيخة عبدالله: مع السلامة يمة*
شيخة: يلا بيت أمي شمة*
بوشيخة : ان شاء الله**
بشاير: يمااااااااااا
ام بشاير : هلا يما مبروك حبيبتي*
بشاير: تبجي يماا صج الي قالتة احلامو تكفين قولي لا*
ام بشاير: يما بشوره هذه كتبت ربج قولي انا لله و انا اليه لراجعون خليج قوية يا أمي*
بشاير: أهي أهي أهي أهي*
شيخة: السلاااام علييكم..... واااي يمة ..الله وناسة (قاعدين يكتون عليها نون و ورد ) نون = حلاو وكاكاو*
شيخة: شلونج يما شمة*
أمي شمة: هلا يما مبروك مبروك حبيبتي*
شيخة: الله يبارك فيج يمة امممواااح يدتي حبيبتي*
دلال: هلا هلا بشيوخة بنت منى*
شيخة: هلا خالتي*
وسلمت على خوالها و خالتها و راحت الصالة الثانية للشباب و البنات*
شيخة: احم احم تخرجت الحين محد يعتبرني لو سمحتوا*
حمد: شيوخ كلش مو لائق حلاتج والله*
شيخة: هي هي ترا انا مو يأهل*
فاطمة: هههههه شيوخ*
شيخة: ها*
فاطمة: ذكرتيني يو تتخرجين من الروضة نفس الكلام قلتيه*
شيخة: سخييفة.... احح و تلتفت منو حذفها ؟؟؟*
سكووت*
شيخة ترفع حاجب : عليوي ترا شفتك ها*
علي: ها لا مو انا*
شيخة: مراح ارد عليك عشان انا اليوم مستانسة*
بداية بسيطة عن قصتي ان *شاء الله تعجبكم*
شنو تتوقعون يصير في بشاير*
شنو مصير آيات*
مريم شنو ناطرها بالبيت*
فاطمة شنو بصير في بيت يدتها*
شيخة هل راح تتم حياتها جذي كل شي ما خذتا بمرح و وناسة ولا*
وسامحوني على البدليات :d
رايكم يهمني *
