مرة قالو ولد ومرة بنت... ساعدوني بنات :(

السلام عليكم بنوتات
شلونكم شخباركم
بنات انا احترت وايد واحتاج خبراتكم
انا الحين حامل بالاسبوع ال20
وهذا اول حمال لي عسى ربي يرزقكم ويفرحكم بالذرية الصالحة
المشكلة ان كنت اراجع عند الدكتورة بهواني لي الاسبوع ال15 ما كانت راضية تقول شنو جنس البيبي وتقول مو مبين لأنه مصكر ريوله

المهم سويت انا بالاسبوع العاشر اختبار boy or girl صار لون البول (عزكم الله) اخضر يعني ولد، وسويت بيكربونات الصوديوم وصارت رغوة يعني ولد
والحسبة الصينية طلعلي ولد
وبهواني مو راضية تقول شنو الجنس لان اجهزتهم تعبانه بالهادي ومو مبين

رحت بالاسبوع ال17 سويت سونار تفصيلي بالسلام عند الدكتورة منى ماشاء الله الاجهزه قوية والدكتورة تفهم ، قالتلي اهو صج مصكر ريوله مو مبين، وقعدت تحاول تشوف بطل ريوله وبين خط ابيض وقالت ولد وهذا جهازه، واشرت ع الحبل السري قالت بعيد عشان لا تشكون، المهم سافرت ورديت راجعت بالاسبوع 18 عشان اتطمن ان السفر ما اثر على البيبي، ولا تقول لي بهواني شكله بنت!!!
وبعدها باسبوعين رحت طوارئ دار الشفا لان كان قريب منا وحاله طارئة، وبعد ما تطمنا على البيبي ولله الحمد سألها زوجي مو مبين شنو جنسه؟ جان تقول مصكر ريوله ولمن بطلهم ماكو شي يعني بنت

انا وزوجي استانسنا لان نحب البنات وايد بس المشكلة الحين نصدق منو
مسكين يبي يروح يونس حاله يشتري هديمات للياهل... يمر وما يعرف شنو ياخذ
ويبي يسوي رباعي الحين والرباعي بالاسبوع 26
وانا ي وخيتكم مشغول بالي همن ابي اعرف

الحمدلله اهم شي الصحه والعافية والسلامة وان يكون صالح وهذا اهم شي

بس احساس الامومة والابوة يدد علينا فودنا نعرف شنو وضعنا لان ضيعونا الدكاترة


مشكورين وايد وباي باي