طريقة سراب لتجميد المعجنات
اغنام - ابل - دواجن - طيور
طريقة سراب لتجميد المعجنات
السلام عليكم ورحمة الله
هالموضوع يهم النسوان اكثر
ياليت حريمكم يطلعون عليه
الحاجة للتجميد تكون ملحة احيانا وخاصة
لما يكون ضيوفك كثير
او انك تكوني انسانة مشغولة باستمرار
ممكن تتفرغي يوم وتسوين اللي تبغين من المعجنات وتجمدينها لحين الحاجة
واليوم حبيت اعطيكم من خبرتي بالمطبخ
طريقة لتجميد المعجنات واللي عندها افكار ممكن تضيفها نفيد فيها
اللي يحتاجون النصيحة
اعجني العجينة ولما تبدا تختمر على طول احشيها بالحشوة اللي تبغين
كأنك بتسوينها الحين
وحطيها بصينية مرشوشة طحين صفيها كل وحدة بروحها وبعديهم عن بعض شوي
ولما تخلصين الحشوة كلها
غطي الصينية بكيس بلاستيك علشان ما تنشف الفطاير وحطيها بالفريزر ولما تجمد تلقين كل حبة بروحها
حطيها بحافظة بلاستيك زي هذي
وكل ما حطيتي طبقة غطيها بكيس تغليف زي هذي
بس من فوق علشان تحطين الطبقة الثانية فوقها
وهذا يمنع التصاق الفطاير ببعضها
واذا بغيتي تستخدمينها طلعيها برا شوي لما تفك من الثلج ودخليها الفرن
والا اذا عارفة انه بكرة يزورونك ناس نزليها من الفريزر الى الثلاجة تحت بالليل وثاني يوم سويها
والبيتزا نفس الشي قطعيها وفرزنيها بنفس الطريقة بس لاتحطين الحشوة ولا الكتشب
اذا بغيتي تطبخينها نفس الفطاير خليها تفك شوي وحطي الكتشب والحشوة وعلى طول للفرن
حطيها بصينية كبيرة وجمديها
وبعد ما تجمد رصيها بالحافظة البلاستيك نفس الفطاير ولا تنسين البلاستيك الشفاف بين الطبقات
نفس السمبوسة بس الفرق انك تحطيها بصينية مدهونة كل حبة تبعد عن الثانية بشوي
ولما تجمد حطيها بحافظات البلاستيك
وادعو لي اتمنى الموضوع
نفعتكم بشي
محبتكم
'vdrm svhf gj[ld] hglu[khj
