قصة أعجبتني للعضة والعبرة وأحببت نقلها لكم لتقرؤها
منقول من منتدى آخـر
بسم الله الرحمن الرحيم
أنا شخص سعودي من أهالي منطقة نجران موظف بسيط عادي
لست شيخاً أو مفتي أو قاضي أو مطوع أو فقيه
رجل عادي جداً وشهادتي الثانوية العامه
توظفت مدني وخلال فترة أصبح راتبي 10000 ريال
في يوم من الايام كنت أحلم بالثراء السريع وقلت في نفسي أبغى أجمع أول مليون ريال
فكرت في عدة مشاريع تجارية وكان أغلبها لها سلبيات الخسارة
لحد ما مرة من الايام كنت أتمشى بسيارتي ووحصلت واحد يأشر بالشارع
طلب مني أوصله لمكان معين وسألته عن السبب بعد ماركب .. لقافه
قال أبد بروح المكتب الفلاني أسحب لي فلوس أقساط
قلت كيف أقساط هل هم بنك .. وشرح لي الامــر كله
قررت أزور المكتب في يوم من الايام عشان أسوي زيهم
لقيت مكتب فيه 2 موظفين ومدير وعندهم 200 كرتون صابون تقريبا
قالوا لي الامر ان حنا نقسط
5000 ب 7500 كل شهر 500 ريال ... واو فكرة حلوة أعجبتني
قلت طيب أنا بفتح مكتب زيكم وأكسب زيكم !!
قالوا ماله داعي تفتح مكتب أحنا نسمح لك تقسط معانا
ونسوي لك دوسية ونجمع أوراقك ونتابع أقساطك ونتصل على عملائك
قلت روووووعه أحلى شئ والله دام ماراح أخسر مكتب وموظفين والخ
من بكرة أنطلقت للبنك وكان راتبي على الراجحي وطلبت منهم قرض بنكي
كان البنك وقتها يعطي 24 راتب
أعطوني قرابة 240000 ألف ريال
وأنطلقت هالمكتب ودخلت عليهم كأني علي حمرور ولا أبن دغمل ههههههههه
المهم قسطت من 5000 ريال
العملية معروفة أشتري منهم 50 كرتون صابون كاش ب 5000 ريال
وأعطيها العميل اللي بيقسطني ب 7500 ريال كل شهر 500 ريال
وهو يبيع الـ 50 كرتون على المكتب ب 4900 ريال
يعني كسب المكتب 100 ريال
قلت عادي دام الشغله انا بكسب وهم راح يتعبون معي
المهم قسطت ال 240000 ريال
على 48 عميل خلال عشرة أيام
وكسب المكتب مني 4800 ريال من 100 ريال للعميل
وأنا أصبح دخلي الشهري 24000 ريال
وأصبح مجموع رأس مالي بالمكتب 360000 ريال
طبعاً بدأت كل شهر أجمع 24000 ريال
وأعطي البنك من راتبي القسط حقهم يعني الدخل صافي لي
المدخول اللي هو 24000 ريال أقسطها شهريا
كل شهر 4 عملاء جدد
يعني كل شهر زيادة على مدخولي 2000 ريال
كان ذلك تقريبا في عام 1419هـ
وفي تاريخ 1/5/1434هـ
وقفت أتأمل حـــــــــالـــــــــــــ ي
---------------------------------------------------------------
1- صار نص اللي بنجران مزاعلهم وبينا هواشة على شان الفلوس
2- نص ربعي متزاعلين من كثر طلباتهم للي ما يسدد وانا مقدم فيه او ساجنه
3- لا أملك أرض سكنيــــــــــه
4- لا أملك منزل سكنـــــــي
5- لا أملك سيارة جديدة أو فخمه
6- محاط بالديون ههههههه ورب البيت
7- كل فلوسي اللي بالسوق ما أدري وين راحت رغم أني بخيل ما أصرف
قلت يمكن الخلل مني رحت وسألت تجار يقسطون مثلي
قالوا لـــي نفس وظعك ما صدقتهم بعضهم حلف لي يمين كبير
وش تتوقعووووووووووووووووون
يارب أغفر لي ذنوبي
