عوده هرماش ومستقبل القرني والفرج وعطيف

السلام عليكم

لا اعلم بماذا كان يفكر الكوتش سامي لما كان يبحث عن محور ثاني مع اللاعب الاكوادوري. الفريق ماكان يعاني الى من مشكله المحور الهجومي وخصوصا في تواجد النجم سلمان الفرج وبعد التعاقد مع عبدالله عطيف. معنى وجود محورين اجانب بالفريق انه المحور هو اضعف مركز بالمفريق وهذا غير صحيح وياخوفي بس من ضياع لاعبين صغار راح يخدموننا بالمستقبل اكثر من الاجانب.

كان من المفترض البحث عن لاعب يلعب في مركز الجناح الايمن او مهاجم ثاني. الجناح الايمن ومن بعد ويلهامسون يعاني ومافي ولا لاعب قدر انه يمسك هذا المركز. سالم والعابد يلعبون بالجناح الايسر افضل من الايمن يعني مابقي الا عزوز اللي ممكن باي لحظه يصاب وترجع مشكله الجناح.

التعاقد مع ناصر الشمراني شي جميل لكن المشكله ان كل مهاجمين الفريق الحين يلعبون راس حربه صريح يعني مافي ولا لاعب يقدر يلعب مهاجم ثاني. الهلال لعب الموسم اللي راح واللي قبل بمهاجمين صريحين وشفنا ان الفريق ماينفع يلعب بمهاجمين صريحين. الفريق يحتاج مهاجم ثاني مهاري يقدر يراوغ ويشوت من برى المنطقه ويفتح مساحات بدفاع الخصم.

كنت اتمنى لو ان سامي ركز اكثر على نقاط ضعف الفريق افضل من جلب اجانب عندنا لاعبين يلعبون بنفس مركزهم بمستواهم ويمكن افضل.

على العموم تبقى وجههّ نظر واتمنى تكون خاطئهْ وياربي وفق زعيمنا ووفق ابوعبدالله بالمهمه الصعبه اللي هي ارضاء جماهير الهلال بالبطولات.