ياجماعة دخت أبي استشارتكم عن نقل الراعي المهلة بتنتهي وماعندي راعي
اغنام - ابل - دواجن - طيور
بسم الله الرحمن الرحيم
ياجماعة الخير راسي شيب ونحفت وتبهذلت كل جهة حكومية تعطيني علم غير الثانية والى الحين ماعندي راعي , أبكتب لكم المشاكل والاستفسارات بشكل نقاط :
- عندي عامل تربية مواشي ( هارب ) أبي انقله وكفيله موافق , وكفيله بالرياض .
- انا مربي جديد ورحت للزراعة وشافوا الغنم وطلعت معاملتي من الزراعة وراحت لمكتب العمل بالمجمعة وبقى اجراءات لين يفتحون لي ملف واقدر استقدم راعي .
- اللي بوضعي مايقدر يستفيد من المهلة التصحيحية علشان كذا ابنقله نقل كفالة عادي .
- مكتب العمل بالمجمعة يقول أول مره لازم تستقدم من برا ماتنقل كفالة حتى بعد المهلة يعني ماقدر انقل بالنظام القديم حتى , كلمت معقبين قالوا النظام القديم اذا فتحوا ملف بمكتب العمل تقدر تنقل الكفالة أو تستقدم (مخير لامسير ) وماعليك من كلام الموظف .
الأسئلة :
1- هل استطيع نقل الكفالة بالنظام القديم بعد انتهاء المهلة التصحيحية على ملف جديد توه مفتوح ؟
2- هل كفيله السابق لازم يلغي الهروب قبل تنتهي المهلة التصحيحية علشان مايدفع غرامة بعدها وبعدين يعطيني خطاب تنازل ( وخلاص ) والا لازم يطلع له اقامة جديدة قبل ينقله ؟ ( تفاصيل نقل الكفالة لمثل حالتي لو تكرمتوا )
3- ماهي الإجراءات التي تتم بالرياض وماهي الإجراءات التي تتم بالمجمعة ؟
4- سؤالي الأخير ( أسأل الله فيه ) أن يفرج عننا وعنكم ويلحقنا وإياكم صيام وقيام رمضان وقبوله .
dh[lhum ]oj Hfd hsjahvj;l uk krg hgvhud hgligm fjkjid ,lhuk]d vhud
