مبارك عليكم الشهر مقدما، شنو رجيمنا برمضان؟

:ch12:

صبحكم الله بالف خير :eh_s(17):

بدون مقدماتت، درت فالنت ابي رجيم لرمضان
وبعد دورت فحسابات الدايت فالانستقرام
وحبيت انقل لكم الشي الي استفدته،


ونقول بسم الله :yaaaaaarb:

اول شي لازم نستمر على عادات صحية بفترة الفطور "بين صلاة المغرب والفجر"

الماي اهم شي الماي
طول فترة الفطر نروح ونرد ع الماي نحاول اقل شي نشرب 8 قلاصات عشان نعوض فترة العطش بالصيام

ثاني شي الرياضه،
وايد نسمع ان الرياضه ضارة بفترة الصيام وسمعنا قصص عن ناس سووا رياضه وتوفوا
بس انا اتكلم عن 30 دقيقة نمشي فيها قبل الفطور،وهالمشي يساعد وايد على انقاص الوزن

ثالث شي واهم شي وجباتنا تكون مشويه او مفيوحه نبتعد عن الدهون قدر الامكان

المهم جدا ان الفطور خفيف والسحور ثقيل
ليش؟
لان بعد السحور بنتم تقريبا 15 ساعه بدون اكل

الحين بدخل فالطريقة الي لازم نتبعها في فطورنا وسحورنا

اول شي الفطور،
لازم من يقول الله اكبر نمسك قلاص ماي ومن فرده الى 5 فردات تمر "انتبهوا يكون عدد فردي لان الله فردا يحب فردا (1/3/5) "
بعده نشرب ثلاث ارباع كوب او علبة صغيره لبن قليل او منزوع الدسم
وبعدها نصلي المغرب :eh_s(17):

بعد صلاة المغرب نشرب ملة صغيره شوربة، شوربة مشروم او خضار او عدس او قرع او جزر او بطاطس او اي نوع ثاني :eh_s(7):
ونروح نتوضى لصلاة التراويح ونصلي :eh_s(17):

اذا جعنا بهالاثناء ناكل سلطة او نوع فاكهه سعراته قليلة او روب منزوع الدسم

بعدها ننطر لين السحور تقريبا الساعة 1ونص، ناكل وجبتنا الرئيسية والي هي ( نص صدر دجاجه و 5 قفاش عيش او شريحة لحم مع معكرونه سمره او صنف من اصناف الفطور بكميات معتدله وماننسى السلطة ونكثر منها)

بعدها بساعة نحلي اما بقطعة حلو موجوده او مثلا مربع صغير من الكنافة او قطعة قطايف او كريم كراميل او حبه الى حبتين فاكهه او اي نوع اخر بكمية معتدله :eh_s(15):


هذا اللي يحضرني حاليا ولو تذكرت شي بذكره بئذن الله
ومبارك عليكم الشهر والله يعيده علينا وعليكم بالصحة والعافية :eh_s(8):