اجمع شتات الحزن في كف الايام
[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="none,4,gray" type=2 line=0 align=center use=ex num="0,black"]
قالو من انت وقلت انا طيف الاحلام=طيف(ن) من الذكرى جروحه دفينه
قالو من انت وقلت انا بحر الاظلام=له شاطي(ن) مافيه مرسى سفينـه
اشوف ذاك الطفل مع عض الابهام=صوره قديمه فالمشاعـر سجينـه
تكبر بها الاحلام عام(ن)ورا عـام=وتشكل الصـوره بلـون المدينـه
لو هي بيرسمها على اللوح رسـام=يخونـه التعبيـر تعجـز يميـنـه
تجمعت فيني حقيقـه مـع اوهـام=وبنيت باوهامي حصون(ن) حصينه
مدري فرح مدري حزن مـدري الآم=تجمعـت فـي المشاعـر هجينـه
خيال واقع صدق تكذيـب والهـام=ضحك وفرح ودموع عين(ن) حزينه
اجمع شتات الحزن في كف الايـام=وارزح بماضـي تحتوينـي يدينـه
ولي فالمواقف سطوة رماح وحسام=وبعض المواقف تحتوينـي رهينـه
بعض المواقف ماتفسـر بالاقـلام=تفسيرهـا داخـل نفوس(ن)امينـه
موقف قريب(ن)من تصاميم الافـلام=يرجع بقلبي عند ماضـي سنينـه
عقلي وقلبي بين تسليـم وخصـام=باللي حصل مابين نفسـي وبينـه
ومثلي على وقفات الاحـلام يـلام=ونـا دليـل(ن) للعقـول الرزينـه
انا عزيز النفس ممشـي بالاقـدام=الا طريـق(ن) واضـح(ن) عارفينـه
ماعرض المبدأ وحكمـه للاعـدام=عنـدي مبـادي والمبـادي ثمينـه
كلي وفا واهل الوفا عندي حشـام=ابات مافي النفس لاحد(ن) ضغينـه
مادام راسـي حـي مـادام مـادام=فالطيبـه لاسعـى برفعـة جبينـه [/poem]
