عندج بنت شيطانه مثل بنتي ؟؟ تعالي اقولج شنو سويت فيها

<div>بسم الله الرحمن الرحيم

السلام عليكم ورحمة الله وبركاته


يقولون ان الطفل الشيطان هو بالحقيقه ذكي ويبي يكتشف ويتعلم عشان جذي ننزعج منه :eh_s(7):

انا عندي وحده من هالنموذج

بنتي اسم الله عليها ذكية وحركية وتتعبث وايد وبكل شي

يعني ما اصد عنها بشي الا والقاها مسوينلي كارثه بالبيت :krkrkr:
ولاني كنت مشغوله عنها بالمعهد فكانت تقعد عند امي وتدرون اليدات ماعندهم شي ممنوع كل شي متاح :rgewrg:


فقمت احس ان بنتي بدت تتمرد وصارت نبرة صوتها عاليه وهي تتكلم :eh_s(2):

اطباعها حاده وتغاااااااااااااااااااااا اااار من كل شي لدرجة ان حتى واحنا قاعدين تيي تقعد يمي وتمسك ايدي و ادش تكرمون الحمام توقف برا تنطرني

المهم قلبت في دفاتر وكتبي القديمه ونشطت ذاكرتي

وقعدت جذي قعده حلوه مع نفسي افكر انا شلون قاعده اتعامل معاها


اكتشفت ان سلوكي انا كلللللللللللله غلط :eh_s(11):

اول شي دايما مشغوله عنها بشغل البيت والمعهد والتلفزيون :eh_s(1):
وثانيا : دايما اطلب منها الشي بصراخ
وثالثا : تهديدات على كل شي وادنى شي
ورابعا : ما انفذ ولا تهديد هددتها اياه
وخامسا : اعطيها اللي تبي عشان افتك من الحنه