سبب تكرار سيناريو بداية كل موسم

تحية مني لعشاق الزعيم
والله يصبرنا على السيناريو الي نعيشة لثالث موسم على التوالي
وكأني اصبحت أشاهد مسلسل مكسيكي لا ينتهي
ولكن اقدر الخص أسباب تكرار هذا المسلسل في كل سنة بــ
1- كل سنة نغير 4 لاعبين أجانب وهذا يشكل متاهه بحد ذاتها
لأنك تبحث عن 4 مراكز وكل مركز اقل شي لاعبين بحيث لو رفض واحد يكون فيه خيارثاني يعني أقل شي تتفاوض مع 8 لاعبين وهذا مصيبة
2- انت تبغى تجيب لاعبين وبنفس الوقت تبغى تبيع لاعبين أخرين وهذي مشكلة ثانية يعني هي ناقصة

وأكبر ضرر يلحق بالفريق من هذي المعمعة صعوبة انسجام اللاعبين في الفريق بسرعة
وصعوبة تأقلمهم على الأجواء عندنا
وأكبر دليل ما حدث العام الماضي خسرنا 5 نقاط في أول مباراتين
وفي الأخير نلعب باثنين اجانب
من وجهة نظري المتواضعة ننهي صفقة لاعبين اثنين أجانب مميزين نستفيد منهم أقل شي 3 سنوات قدام أفضل من إني اجيب أربعة نص ونص وأضيع جهد وفلوس مالها داعي
وبعدين أكمل الباقي في شهر يناير بحيث أعرف وين مكامن الخلل وأمزمز على الخيارات براحتي ولافيه أحد يفاوض معاك ويحاشرونك في خياراتك ويغالي عليك
لأن الكل منشغل في المباريات
--------------
افضل ما قدمته الإدارة السنة هذي التعاقد مع لاعبين محليين من وقت بدري
مثل السالم وعطيف والحافظ وأخيرا السبيعي
وأتمنى التجربة هذي تصير مع المحترفين الأجانب
-------------
الله يعين ابو عبدالله ماراح يبدا الدوري والا وهو منهك
معسكر ومتابعة لاعبين أجانب وراح وجاء وجهد مضاعف خاصة إنه في تحدي
-----------------
(((((( خذوها مني واتذكروها لو استطاع ابو عبدالله تحقيق لو بطولة وحدة الموسم هذا إن شاء الله راح تكون المواسم القادمة أنجح بإذن الله تعالى ))))))))
يكون اجتاز مرحلة التحدي والضغط الي بواجهه من أعداء النجاح
ومارح تكون فيه عوامل نفسية تضغط عليه في تحقيق بطولة مثل ما يصيرفينا في الأسيوية حاليا