ساعدوني تكفون بناتي طفروني حياتي

بسم الله الرحمن الرحيم


بصراحه مادري من وين ابتدي بس والله والله احس نفسي تعبت حيل حيل تعبت

مادري اذا مر عليكم الشعور هذا قبل هالمره والا لا !! ان تحسون خلاص مالكم حيله مابيدكم شي.

انا وصلت لمرحله احس نفسي تعبانه

انا عندي 3 بنات ورا بعض وحده اربع سنين ووحده 3 والصغيره سنتين .. والله العظيم اني اكتب الحين وماتخيلون الجو الي انا قاعده فيه كلهم قاعدين يبجون ويتطاققون


ماني عارفه شلون اتعامل معاهم عنيدااااااااات والي يبونه لازم ياخذونه والفاظهم م قذره ع الكبير وع الصغير حتى ابوهم احس متنرفز من هالشي


ماياكلوون نفس الناس ولا ينامون نفس الناس ولا اقدر اطلع ولا اروح ولا ارد بسبتهم تعبت والله العظيم تعبت

مادري شلون اربيهم. طق وطقيت احسهم شوي الا يتعقدوون واحاول امسك نفسي واعاقب هم ماينفع


مادري شسووي !! ابي احد يوجهني ينصحني ويساعدني ابي اعيش نفس الاوادم


اعذروني ع تشتت افكاري احس كلامي دش ع بعض بس اتمنى تكون وضحت الصوره والله اكتب وانا بقمة التوتر