متى تبي تذعذع هبوب الشمالي

متى تبي تذعذع هبوب الشمالي .... قصيدة جديدة للشاعر /خالد التومي

--------------------------------------------------------------------------------

.



[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
متى تبي تذعذع هبـوب الشمالـي=وتبدا مطاليـع المـزون الثقيـلات
متى يبـي يجنّـا سـواة الجبالـي=لا عرّضنْ مابين صـاره وابانـات
بروقهن من تحـت لهـن اشتعالـي=وحس الرعد فيهن يجلجل بالاصوات
لا ذكّروهـن عاشقيـن الخِيـالـي=وجابوا خبرهن قبـل هـذا بفتـرات
سوّوا لهن بالنـت نـوع اتصالـي=ومرّوا على الياهو ومرّوا بمكشـات
وشافوا صورهن قاطعـات المجالـ=يوحطّوا لهن مع شيّة الرب حـروات
والى اقبلن طاروا لهـن باعتجالـي=على الجيوب اللي مع الدرب عجلات
مثل المحب ان جاه بالـدرب غالـي=يطير من شوقه لنصـف المسافـات
ويوم اوصلوا واستملسن بانهمالـي=كـزّوا لنـا تبشيرهـم بالرسـالات
هذي امانـي سقتهـا مـن خيالـ=يوارجي من المولى تحـوّل حقيقـات
ويسقينا من فضله عزيـز الجلالـي=اللي بحر جوده يفـوق المحيطـات
ياالله يـاربٍّ علـى النـاس والـي=ياعالـمٍ كـل الامــور الخفـيّـات
نرجيـك ياسامـع دبيـب النمالـي=ترسل علينا مـن تواليـك رحمـات
يمّـك رفعنـا صوتنـا بالسـؤالـي=يوم ابتدا الوسمي وجالـه علامـات
اسق الديـار الدارسـات المحالـي=واحي الدعوب اليابسـات السنيّـات
يازين لا قالوا ترى الكمـب سالـي=وواد النسا من حدري الجسْر كد فات
هنـاك ابستانـس ويرتـاح بالـي=واشفق على نظم البيوت الجزيـلات
واسج سجـة دالـه القلـب سالـي=ماضاع له في سوق الاسهم فليسات
لاسقت جيبك يـم هـاك السهالـي=شرقيّ الاريل بين عبـلا ورامـات
وهـي مناقعهـا سـواة اللـوالـي=تبرق وتعكس صورتـك كالمرايـات
وعقب التمشي جيت فـي دوّ خالـي=تسورب شغيّاته كما زحـف حيّـات
واوقدت لـك بالرمـث نـارٍ تلالـي=ريحة ندا رمثه تفـوق البخـورات
وفرشت من حوله ثـلاث الزوالـي=اللي على الجالس تفصّـل مقاسـات
وصفّيـت فيهـا مهدفـات الدلالـي=وضبطت بالبن اليماني لـك اسـواة
وفنجال شايٍ خـادر اللـون حالـي=مثـل الدعايـه لاتذوّقـتْ رشفـات
ومعك من الربـع القـروم العيالـي=اثنين بالحِسبـه ..وبالفعـل ميّـات
وافين ماهم مـن هـواة االجدالـي=صافيـن بالخـوّه علاقـه ونيّـات
كلامهـم مثـل القـراح الـزلالـي=لا ذاقه الظامي عقب طول مظمـات
لحظة صفا فيهـا زمانـي صفالـي=للنفس لـذّاتٍ .. وللعيـن مجـلات
ويزيدهـا لا غـرّد الطيـر عالـي=وهبّت علينا من طرى النود نسمات
تنسيك لو ساعـه همـوم الليالـي=اللي على مثلي لها نـوع غـارات [/poem]


.

خالد التومي 23/9/1427هـ

صح لسااان الشاعر..



يعطيك العافيه وحيد

الله يجيب الخير

نقلك


منتاز يالغالي

اخت جوري يسعدني ان اشاهد تعليقك في الموضوع وكذلك الاخ سعد الحويماني


ويشرفني ان تزوروا منتديات الرس اكس بي المنتدى الادبي بس لا تفضحون النك لاني اكتب بكثر من واحد خخخخخخخ