تكفوون تعبت من الحياه

السلام عليكم ورحمه الله وبركاته
يااخواتي بقولكم حالتي والله تعبت مافي احد اشكيله
انا بنت عشت عند اهلي عيشه فقر بمعنى الكلمه وكان كل امنيتي اني اتزوج وارتاح مو متعبني الفقر عند اهلي متعبني القسوه من امي بمجرد مااانخطبت وكان خطيبي انسان طيب وحبوب لكنه فقير ومع ذلك طرت سعاده قلت مو مشكله الفقر مو عيب وصليت استخاره اوالحمد لله ارتحت وتزوجنا
وبعد الزواج طلع الرجال عنده عيوب يمكن لو وحده غيري ماتتحملها مثل ضعف جنسي اعذروني علجراه بس ابي اقولكم اللي بقلبي اهم شي ظليت بعد الزواج بكر فتره وبعدين بقدره من ربي حملت والحمد لله فرحت مره لان اول عبالي انو الرجال عقيم مااكنت اعرف انو ذا ضعف مشت حياتي وقلت مو مشكله الجنس مو كلشي بالحياه
انا معايا بكالوريوس لكن بديرتي السعوديه ماكو وظائف قلت بقدم بالكويت لان انا ساكنه بالخفجي وكمان ماكو احتياج لتخصصي
وماخليت مكان ماقدمت فيه ولا لقيت وظيفه \
زوجي موظف لكن راتبه ضعيف جدا مايكفينا تعبت يابنات الفقر هلكني صار معايا قولون تخيللو مطبخي فاضي اللحم مادش بيتي من سنه وانا حامل واشتهي اللحوم والفاكهه لكن مايقدر يوفرها لي تعبت يابنات ودي اموت اتمنى اني ماانخلقت مارتحت بهدنيا ابد ومع ذلك اهلي يتشرهون علي يبون اعطيهم ولمن اقول ماعندنا يقولون خليه يتسلف خليه يتدين وهو عليه ديون ما الله بها عليم
تخيلو السياره كل يوم خربانه اكثر وقتها بالتصليح
والبيت اجار
والحين ماادري شلون اجهز للمولود ولنفاسي تعبت اكلني الهم كبرت ميه سنه لبسي يفشل استحي من الناس مناسبات مااروح عزايم مااروح كله عشان التكاليف
ادعووووووووولي يااخواتي ان ربي يفرجها علي