جيتك قصيد وحب واحساس واشواق

اغنام - ابل - دواجن - طيور

جيتك قصيد وحب واحساس واشواق


عزالله أني للوصل جيت مشتاق
شوق الغريب ليا سمع نوح ورقا

جيتك وشوفك مزبن القلب لاضاق
جيتك غلا وأصفى من الشهد وانقا

جيتك قصيد وحب واحساس واشواق
جيتك أبي وصلً بالاحساس يرقا

ياهاجسي واللي رفع سبع الاطباق
واحيا هشيمً من سحابً وبرقا

انك بعيني فوق هامات الآفاق
مالك شريكً .. لا شمالً وشرقا

حبك بدمي بالشرايين ينساق
وغلاك ثابت داخلي بكل عرقا

لك في خفوقي دار وصروح واشراق
وبناظري وصفك على كل طرقا

يوم المفارق طعنةٍ وسط الاعماق
رمحك زرقته بين الاضلاع زرقا

أثر الصبر لازاد بالصدر مايطاق
يحرق شرايين المعاليق حرقا

وأثري حصيلة كل مخلص وصّداق
جزى الوفا .. جرح وتنكّر وفرقا

مما رآآآق لي،،،


المصدر: منـتـدى أغـــنـام - من قسم: هـمس القــوافــي والخواطر

[dj; rwd] ,pf ,hpshs ,ha,hr