يرجى الافاده يااخوان ولاتبخلوا علينا بشي وشكرا
اغنام - ابل - دواجن - طيور
اول شي أحب أمسي على كل واحد فردا فردا في هالمنتدى الجميل بل الرائع والمفيد اخوكم توني دخلت في جناية الغنم ولكن اجهل الكثير منها, ولله الحمد هالمنتدى الاغنام خلاني خبير في الحلال والفضل لله سبحانه ثم اخواني اهل الحلال والله يبارك لكم في مالكم واولادكم.
انا شريت الغنم وطلع فيها ألتهاب رئوي في الغنم ولاكنت عارف بديت في العلاج وعزلت عشر روس وعطيتها تايلون السويسري وفلادين لمدة خمسة ايام ولله الحمد راح منها وطلعتها مع الغنم ودخلت عشره غيرها وعلاجتها وبعض الشياه عطيها لمدة عشرة ايام واشوووف الغنم الحمدالله احسن من الاول ولكن في بعضهم معالجها وارد ادخلها مره ثانيه والباقي حطيت في الماي سلفا وفيتامينات وعندي وحده يااخوان معالجها يمكن صارلي اكثر من 15 يوم وانا اعطيها وحالتها ماتحسنت وتاكل وتشرب عزلتها عن الغنم لها اكثر من شهر شنو الحل فيها وهي دافع وقريبه ان شاءالله على الولاد وقالي الدكتور لها اعلاج ابر ولاكن اتنزل الي في بطنها قلتله لاولدة ان شاءالله انعطيها الابر سؤالي يااخواني الافاضل اذا ولدة ان شاءالله هل اشيل ولدها من عندها مباشره او اخليه مع امه مع العلم النعجه لابغت تتنفس ينتفخ فمها وصوت تنفسها من بعيد تسمعه واكرمكم الله المخاط فيها بكثره من خشمها وفمها اخاف ان شلته من امه يعدي الطليان .
والسؤال الثاني سامحوني ياخوان بكثر عليكم الاسئله عندي 3 اشياه صحتهم ولله الحمد طيبه تاكل وتشرب قبل لاتصعد وبعد ماصعدت, وحد صعدت ولدها كبير يمكن ايام وتولد وثانيه صعدة وطلع منها قطعه لحمه اصغير من رحمها واولت امس عندي انعجه صعدت اثنين الي في بطنها مع العلم انهم اكبار وكذلك ايام وتولد والشياه اسمان وياكلن ومافيهم الا العافيه والحمدالله على كل حال شنو هالمشكله الله يجزاكم خيرهل المشكله من الطرد داخل الشبك .
والسؤال الثالث والله شكلي مسختها ههههه عندي انعجه دافع وانهلس شعرها بكثر وطلع جلدها حمر شنو مشكلتها يااخوان .
وكل الشكر للاخوان القائمين على هالمنتدى والاخوان الافاضل اهل الحلال
dv[n hghth]i dhho,hk ,ghjfog,h ugdkh fad ,a;vh
