بنات اللي بيسافر لشرق اسيااا ضروري اقروا موضوعي عن حمى الضنك اللي منتشر

السلااام عليكم خواتي

انا والله مابي اخرعكم
انا نفسي متخرعه
انا حاجزه لماليزيا وبانكوك عقب عيد الفطر
وكتبت هالمعلومه في تجمع سفره تايلند حابه افيد البنات وافيدكم





صراحه مو خوش خبر
قريت بالاخبار اللي ابليكيشن بالايفون اسمه ديره نيوز
حاطين خبر زياده اعداد المتوفين في تايلند ووصل 40 شخص بسبب مرض حمى الضنك الله يكافينا شره
ينتشر بسبب الباعوض والناموس اللي يكثر بشرق اسيااا

صراحه جتني ضيقه وخفت

وانه ماكو تطعيم مسبق ضد هالمرض بس ماعليكم الا تحتاطون

وتاخذون الحذر

انا قلت انصحكم واذكركم بشغله ضروريه لااازم تاخذونها

سبري الجسم الطارد للباعوض

ينباع بالصيدليات
اذكر اني شريته السنه اللي طافت يوم اسافر لاني سامعه انه لنكاوي واهي جزيره بماليزيا عيبها الاول كثره الناموس والتقرص وكان معاي ولدي 6 سنين حييييل يتحسس من قرصات الناموس لدرجه انه مكان القرصه ينتفخخخ ويقلب احمر غااامج ويصيح من الالم

بس ريحه السبري اشوي اتضايق

قالت لي الصيدلانيه انه في انواع وكل ما كانت ريحه موحلوه وقويه كل ماصرتي بالامان وما يحوشج تقرص



الله الحافظ حبايبي واتكلوا عالله
بس قبل ماتطلعون من الفندق رشوه على اجسام عيالكم وبحفظ الرحمن

لاتتضايقون بنات مني ادري ضيقت خلوقكم. بس والله مابي لكم المضره ربي يشهد


الله يحفضكم مره ثانيه وتروحون وتردون بالسلامه