لقيمات من تطبيق أحلى همبه -هديتي الرمضانية
بما ان شهر الخير على الأبواب
اقدم لكم اول هدية رمضانية :eh_s(7):
((((( لقيمات ))))
اكيد السفر ما تخلى من هالطبق يوميا
الله يعوده علينا وعليكم لا فاقدين ولا مفقودين
:eh_s(7)::eh_s(7)::eh_s(7)::eh_s(7):
هالطريقة انا سويتها ماخذتها من الانستقرام (الأخت سكر زيادة)
لذيذة ومقرمشة :eh_s(17):
المقادير::
كوب ونص طحين ابيض
نص كوب طحين عيش
2 م ك سكر
1 م ك زيت
1 م ك خميرة
1 م ص بيكنج بودر
2 كوب ماي دافي
هيل وزعفران ناعم
انا ضفت نتفه صبغه زعفران احب هاللون باللقيمات
خلطيهم عدل وتكون ثقيله الخلطة وخليها تختمر ساعه بمكان دافي
انصحك تلفين الطاسة بفوطة وتخشينها مثلا بالفرن او تغطيها بغطاء عدل يكون ثقيل
بسرعه تختمر
( هذه طريقتي أنا بالقلي )
بعدين سخني الزيت الغزير عدل
ولما تصبين اللقيمات قصري النار وسط وبس يرتفعون فوق استمري بالتقليب وايد لما تصير يابسة
حطيها بعدين بمشخال وصبي عليها فورا الشيرة (باردة ) ثقيله شوي احلى عشان ما تفش
عند التقديم رشيها بالسمسم او الفستق الناعم
واستمتعي :eh_s(7):
بالعافية مقدما:eh_s(17)::eh_s(22):
ما شاء الله ولا حول ولا قوة الا بالله
