مالي حظ بالخدم 3 بشهر !

السلام عليكم !

بنات أنا متزوجه من 5 سنين تقريبا ومن تزوجت لي الحين وما جبت لي خدامه اول شيء زوجي مايبي خدم يربون عيالي وثانيا أنا مابي خدامه من مشاكلهم بس من فتره قررت اجيب لي خدمه !

بشهر والله 3 دشوا بيتي ! كل خدامه علت قلبي عن الثانيه !

اول شيء جبت سلانيه واعذار سلانيات معروفه أنا كنت اشتغل عند ناس يسكرون الثلاجه وفلوس مايعطون وقتلها من عمر هذا كلامكم غيروا وكل يوم تتشكا من جسمها راسي يعورني ظهري يعورني وانا شقتي صغيره 3 غرف وصالتين وحمامين ومطبخ وغرفتي أنا انظفها مع حمامي وملابس أنا اغسلها والطبخ أنا اللي اطبخ يعني اهيا مالها الا غسيل الصحون و كواي ملابس و تنظيف غرفتين ،، اخر شيء تيلي تحط اصبعها بخشمها وتقولي تبين عشا رديتها مكتب ماقعدتها معاي مو مال شغل وبس قعدت عندي سبوع ولوعت جبدي !

ثاني خدامه نيباليه مسترجعه هذه حركاتها غريبه وتشكك الواحد فيها إذا بدش الحمام تتلفت وتطول بالحمام واناديها واطق عليها باب ماترد تالي تطلع تقول أنا ما اسمع اهيا نظيف وشغيله وتحب اليهال بس تخرع دخلت مرا عليها واهيا نايمه رابطه بطنها بخيط ومع الخيط في شعر وهسوالف من خوف جان اقص الخيط ومن قصيت الخيط كل يوم مصروعه تطيح تنصرع جنها ميته و رديتها قعدت عندي 5 ايام

اخر وحده العله اثيوبيا والاثيوبيا حالفه مايدشون بيتي بس هذه جت صدفه رفيجتي مقدمه عليها و زوجها تعب وراح علاج واهيا راحت معاه وعطتني ياها بلاش حتى !

جننتني حيل حيل حيل عينها على زوجي برايحه وطالعه واذا قعدت أنا و زوجي بصاله تقعد معانا وتسألنا ليش تضحكون وجم مره ازفها لا تقعدين لي شفتي زوجي قاعد عيب تقولي ليش أنا حيوانه أنا مو انسان ،، قمت ادش الغرفه واخليها بصاله والله تدش علينا فجأه بدون لا طق باب وتطالع جنها تبي تصيد حركه مني ومني قتلها لا تفتحين باب طقي !

تالي شريت لها ملابس قالت ابي ملابس نفسج وحضرتها جيبتلي قميص نوم قتلها ليش قالت جسمي حار وما انام بملابس قتلها مافي هني جسمي حار في مكيف نامي بدون لاحف !
قامت تبوق من عطوراتي ومكياج و بكل وقاحه وقله ادب تدش حمامي وتاخذ من حمام زيت مالي و تحط من زيوتي موتنتي !!

اخر شيء سوته معاي بنت ابوها جايتلي بنص ليل تقولي اسمع صوت ابي انام عندج زفيتها زف ! وطلعت زوجي الصبح واهوا رايح دوام وانا نايمه دش قالي روحي سويلي درب الخدامه نايمه بصاله قلت عادي مر و روح قالي روحي سويلي درب لما رحت ولا الاخت مو لابسه الا سليبها ونايمه بعرض الصاله وديتها المكتب بفناقر تعبوني الخدم مالي حظ فيهم كلش و جربت 3 وكرهت عيشتي وخصوصا الاثيوبيه رمضان ياي شنو تنصحوني فيه خاطري بهنديه كبيره وطباخه واللي عندها لتنازل تقولي