استفيدوا من تجربتي حياكم

السلام عليكم حبايبي



بنات بقولكم قصتي



انا اول ماتزوجت حملت علي طول وماكنت ادري اني حامل
وبعدها حللت بعد يومين نزل الحمدلله علي كل حال

وعقبها طولت ماااا حملت قلنا بنراجع مستشفي رحت لماجده اليتامي
بصراحه مادري شلون صايره عطتني كلوميد و ابر تفجيريه وتعبت من سونار الداخلي
كل ما اروح سونار داخلي احس لعبواا فيني الله يسامحهم
مع ان الحمدلله انا وزوجي مافينا شي

ومااااااااحملت


قلت مابي مستشفيات تعبت من ماجده ومستشفي المواساه قالي تلقيح صناعي
ريلي رفض تماماً


نطرررررت وصبررت ونفسيتي تعبت


وطبعا كلام الحريم ونغزاتهم علي

ترا فلانه حامل اقول الله يرزقهم

وبعد سنه حملت بعد ومااااكنت ادري


كنت احس بعوار صوب المبيض اليسار الله لا يوريكم
اموووت الف مره من العوار مافكرت احلل

بس عوار والله الفجر اقعد ريلي وابجي تكرمون حتي الاخراج ماقدر اصيح بالحمام
مادري شفيني


رحت الراشد اقرب شي عندي
عند دكتوره ايفا خذت مسحه قالت التهاب وافرازت
عطتني غسول بس



ااااه وتعبت من الغسوول هذا كلا مادري اني حامل


المهم قلت ابي دكتوررر مو دكتوررره

الدكتور عندي افهم



دخلت علي دكتور محموود بالراشد الله يوفقه ماشاءالله عليه راحة بال موطبيعيه



ويفهم عدل قلت ترا انا تعبت افحصني سونار داخلي بعد انا طلبت منه
وفحصني قالي رحمج نظيف بس في شي ورا الرحم كتلة دم
يا دم الدوره او حمل خارج الرحم

خفت حللت وطلعت حاااامل خارج الرحم قاعده واقول الحمدلله
دكتور يكلمني وانا ابجي عنده خايفه
نصحني اروح مستشفي الصباح يقول اماكنياتهم احسن وفاهمين اكثر ويحافظون علي المبيض
طبعاااا




اول مادخلت طواري الصباح بعد الفحص
قالوا اصلا فيج نزيف داخلي الحين عمليات
سويت العمليه الحمدلله وشكر لك يارب
والدكتور حافظ علي المبيض الحمدلله

عقب عرفت من دكتور محمود بالراشد والله خوش. دكتور



نطرت 3 شهور مافي جماع


وعقبها الحمدلله انا حامل
واراجع عند دكتور محمود





دعواتكم لي






سلامي للكل:eh_s(8):