تجربتي مع كيراتين كيورCure V.2 والنتيجة شعري محروق

اسمعوا قصتي الطوييييييلة من الاول لي الآخر وراح تفهمون شنو معنى كيراتين كيور

والله أنا من زمان ساكته ما أبي أقطع رزق
الشركة الي تبيعه:yaaaaaarb: الموزع الوحيد الي
بالكويت شركة الخدمات التجارية..الصراحه
انا شريته منهم كيراتين كيورCure V.2 بروحه ب 67دك (460ملي)على اساس انه
النوع الي يفرد مو المعالج انا شعرتي سميكة
وكاريه وتموجاتها خفيفة يعني نفس شعر ميريام فارس..
وأكدتلي الي باعته لي اصلها لبناني
انه يفرد 100/100 وخالي من الفورمالين :rerrerek:
ومدعم بالاحماض الأمينية :eh_s(10): ويضبط من أول جلسة وينغسل من بعد الجلسة
بنص ساعة..وتقول على ضمانتي وحنا مجربينه على شعر افريقيات منتف
وميؤوس منه..انا قلت اوكي هذا الي انا يصلحلي رغم انه شعري عذري
يعني مو مجربة عليه اي صبغة ولا اي شي ثاني..المهم
قلت خليني أشتريه واتوكل على الله وروح لصالون ايسويه ليا..
رحت لصالون وسووه ليا..وطلع شعري رووووعه خيال والله..
قلت ماله داعي أغسله باجر أغسله..
واليوم الثاني غسلته بماي وحمام زيت بس..
والله لايوريييييييكم شعري شلون صار..صار مثل أول وارده..
وتوهقت وعلي دوام وشولون اداوم انا وكشتي :eh_s(14):..قلت
استشوره..واستشورته وطلع يعني فيه البركه ماشي حاله
واستمريت عليه 2 اسبوع بس اغسله بحمام زيت فاشكول
واستشوره..والله لايورييييكم شنو صار لشعري من بعد الاسبوعين
والله تقصف وتنتف ونشف:eh_s(11):..ومن بعدها دقيت على
الي باعته لي اللبنانية وقلتلها شنو صار فيني...
وقالت:انه له طريقة استخدام وانا راح ادلك على صالون
ايسويه لك وراح يضبط شعرك وعلى ضمانتي...
ودقيت على الصالون وقالولي انه الي يكمل الجلسة
( شامبو الكيراتين قبل وبعد والماسك والسيروم )
وقلت اوكي..اشتريهم وشريتهم وسعرهم 32دك
الشامبو (460ملي) والله يابنات أنه (شامبو جونسون)وريحت
(شامبو جونسون) :rgewrg:بس حاطين عليه لمعه ذهب
والشامبو الي قبل الكيراتين والله شامبو العبي
الاحمر الي تغسل فيه جدتي هدومها والله..
(والماسك 460ملي) (والسيروم) 120 ملي
وريحته جنها ريحة (علك مر) ومع الوقت
عصارته تخرب واضطر اعبيه بعلبه ثانية..ماعلينا
ورحت للصالون ولمن الخبيرة شافت شعري انذهلت
قالت شعرج محروق شعرج محروق من الجلسة الاولى لانه الكيراتين هذا
فيه ماده ماتضل على الشعر اكثر من ساعة لانها بتاكل الشعر
والشعر لازم ينغسل بنص ساعه من بعد الجلسة وقالت لو جايتني
من اول شي جان شعرج ضبط 100/100 ويطلع ستريت
انتي شعرج لازم يبيله عدة جلسات يالله يضبط لانه شعرج محروق من
عدم غسلج لشعرج من المادة الي بالكيراتين
وكل جلسة اخذ منك 30دك...
وقلت اوكي خلاص وطاوعتها واتفقنا..
وبدأت تقسم شعري..بالطريقة الصحيحة على قولتهم:P_03BA:
وطريقته هي انه كل ماتوزع الكيراتين على الخصلة مباشر تكويه بالسراميك
وهو بعده مو ناشف على الشعر..والله لايوريكم كل خصلة تبدأ فيه أموت فيها من الالم
والله وفروة راسي احترقت من هالجلسة ماتسوى علي والله.
وألي تسويلي شعري..تسولف علي وتقولي انه هذا المنتج
يستخدمونه على شعر مايكل جاكسون قبل...وانه احسن منتج بالعالم...الخ
وشوفوا التناقض في كلامها...تقول انه مستحيل فيه كيراتين بالعالم
يضبط من اول جلسة لازم عدة جلسات يالله يضبط..ومن بعد ما خلصتني
غسلت شعري وماضبط وفيه تموجات خفيفة وقالتلي انه لو جايتني من
اول شي جان صار جذي شعرج وشعرج بالجلسة الثانية 100/100
راح يضبط.. وقلت..تعالي بعد شهر..
وهني كلامها فيه تناقض مره تقول لو جايتني من اول جان صار شعرج ستريت ستريت
ولمن سوت شعري وخلصت قالت: مستحييييييل مافي كيراتين يضبط من اول جلسة
لازم عدة جلسات..ولمن طلعت من الصالون راسي قام يعورني عواااااااااار
موطبيعي والله من كثر حرقات السيراميك على ايد الي سوتلي شعري قمت ابكي والله
حتى ماقلت لاحد عشان محد يلومني ويقول قصوا عليك وضيعتي فلوسك..
ولي اليوم هذا صارلي شهر من بعد جلسة الصالون والله مانفع فيه اي شي
لا بالطريقة الصحيحة ولاشي كله كذب بكذب.. وشعري راااااااح تنتف
يقصووووون علينا مدري هو مغشوش مدري شعورنا مايصلحلها الكيراتين
عاد انا اخذت اغلى منتج V2 كيور الي بماي الذهب والعسل
وانا شعري الحين ميؤوووووووووووس منه وماني رايحه للصالون الكذابة
لاني عارفة شنو راح تقولي شعرك محروق شعرك محروق...
والله بس الي مهدي شعري علي شوية ماسك الكيراتين الي مع مجموعته..
والله صرت ما امشط شعري اخاف ينحت اكث:eh_s(14):ر..بس المه واغطي بكاب عاد انا شعري كاريه
وراح من جيسي...علموني شسوي لاني من فلوسي الي راحت 190 دك ولاني من شعري..
ورجاءا من الي يسوقون للمنتج هذا كيور بالمنتدى لحد ايناقشني ولايتفلسف علي ويقولون سوء
استخدام لو كيراتين كيور صج آمن على الحوامل والاطفال قولتكم ومافيه فورمالين جان ماحرق شعري
مهما كان استعماله...:rgewrg:
وانا حبيت اقول الي صارلي عشان البنات ياخذون العبرة لانه في شعور
مايصلحلها اي كيراتين....:rgewrg: