~قصة ولادتي لعيون اللي طلبوني ويبت احلى مريومه بالدنيا~

السلام عليكم ورحمة الله وبركاته

شلونكم بنات من زمان عنكم بس الصيفي والتعب
و خدامتي واخيرا وصلت اليوم بعد انتظاااار


المهم يا حلوين وخاصة البجر


انا ولادتي يوم 16/*

كان فيني عوار قبل الولادة بثلاث ايام وسويت تخطيط قالو ماكو شي بس البيبي نازل بالحوض
وكنت انام واقوم على عوار بالحوض اتحمله بس يخرع الاحساس لاني بالتاسع
وموعد ولادتي المفروض2/3 ما توقعت كلش

المهم بيوم 16 فبراير. قعدت مافيني الا العافية
و اسويلي ريوق درابيل و جاي كان برد
شوي بقوم من الكرسي الا بططططط
الماي يما شنو هذا شي ينزل وسمعت جنه صوت عظم تحرك و اركض الحمام
وكرمكم الله ابول ههههههههه قلت يا خبلي اللحين شلون بعرف اذا ماي او لا

و اقوم واروح داري الا شي ينزل و اروح الصاله وارد الدار مخترررررررعه
مادري شسوي
و بس امبيه امبيه يارب يارب هذا اللي اقوله
:eh_s(*): يتلي البجية تذكرت




المهم
جان انادي ريلي قلتله فلان بولد الماااي ينزل و اطقها بجية محترمه ماكان من عوار كان من خرعه
خرعه الحمل كلها طلعتها
وحرتي من النساة كلها طلعتها :krkrkr:

جان يقول هاااا يلا يلا

و البس وبسرعه نروح
و انا بالسياره بلش العوار خفييييييف
يوم وصلنا قالت الماي ولادة
و حطو الا الطلق خفيف
اهي قالت في طلق
الله وكيلكم جان اصرخ صرررررخه جني اسد ههههههههههه
اااااااااااااااااااااه قالت شفيج قلت طلق طلق يعور
قالت مدام توه بداية هههههههه انا ما كان حيل يعورني بس خفت
و تحطلي الحقنه الخايسة من حطتها ركض الحمام واقفله
ههههه ويزفوني وانا بعالم ااااااخر
و اطلع مافيني الا العافية وصلت اختي تبجي واقولها عادي شفيج انا قوية
و اقعد عالسرير ويبلش الطلق القوي
و اصرررررررخ نفس الم الدوره بس ضرب الف
و بالعظام خاصة الحوض
و يحطولي الكمام
و يصير ظلللللمه و اقول اي هذا اللي يقولون البنات عنه بالمنتدى بالمنتدى بالمنتدى < اخر كلمه لازم تتكرر ثلاث مرات هههههه
بعدين رديت احس و ارد الكمام بس كان اول شي مو قوي
جان اصرخ ابرررره ابي ابرررررررره جان اشوف الابره يممممممه قلت لا مابي مابي
و اختي تزف ابره ماكو ابره
و سكنت عقب زادو الكمام
و اغيييب اسمع اختي تقولي اخت خالتهم شدي حيلج حيلج حيلج
و ترووووووح بعييييد اختي و انا ابي اركز بالوضع اللي فيه ابي افهم الكمام شيسوي بمخي ههههههههه موقادره استوعب
و اناديها
فلانه فلانه فلانه تقول نعم ابلع ريجي مادري شقول اقول الحجي بمخي و ما ترد اقول شفيها خبله ما ترد ؟
هههههههه طلعت انا مو صاحيه احاجيها بمخي من غير صوت
و تقولي تبين ريلج اقول اي اي تقولي جم الباسوورد اجاوب بمخي هههههههههه ما اتكلم ياربي بتكلم ماكو اجاوب بمخي
ولا معصبه ابيها تفهم

و شوي شوي قمت خلاص العوار ما احس فيه و خدرت و غيبت
عقب قمت وقت البوش يلا يلا يلا
وانا اااااااااااااااااااه كانو زايدين المخدر حيييل حاطينلي ابره و مو قادره اشد
والالم مو حيل احس فيه ريولي متخدره
مو حاسة بحوضي كلش
و نمت وعقب يلا يلا بتطلع سمعت يقولون طلعت نمت مرة ثانية. وقعدت بعد الخياط


ويبت احلى مريم بالدنيا صج مزعجه و ابيض مني هههههه بس حلوه

ولدت بدار الشفا و دكتورتي ماجدة
وانصحكم بالاثنين وكل شي كلفني 800 تقريبا لان ما لقيت ملكي للاسف


و هالقصة عشان البنات اللي طلبوني

والولادة ما تخرع والله صج حزتها كل ما اقولها ابجي بس والله الم منسي منسي منسي


والكمام عجييييييييب مالهم ودي اروح اللحين اشمه




وربي يتمم عليكم على خير ما اعرف اقول قصص بس ان شاءالله ان كلامي مفهوم