همي الوحيد ☹ فضفضتي ^

السلام عليكم ورحمة الله

:eh_s(*):

بنات بقولكم الي بقلبي

بس الله يخليكم لحد يرد علي بكلام قاسي

انا ادري الي سويته غلط " بس هذا موضوع قديم '

في يوم من الايام قبل 4 سنين تقريباً كنت بايام المدرسه على اخر سنين كان عمري صغير ماتعديت الـ 16 سنه و عقلي صغير وكنت وحده غيره و صرت غير .. رفيجاتي اهما السبب كانو اكبر مني بالعمر . انا كنت انسانه مو متفتحه بس والله اهلي مربيني زين و مو مخلين علي قاصر . من اهني قص علي الشيطان بديت بشي مايرضي ربي و لا اهلي . حبيت واحد . مرت ايام ورا ايام والشيطان لازال قاص علي بعدها تخرجت من الثانويه ودخلت الكليه بعدها بسنه عرفت الي سويته غلط غيرت جهازي و مكاني الدارسي صرت انسانه غير فهمت ندمت كرهت حياتي من هالسبب وهالغلط . تبت لربي من الي سويته . بس ماتركت كل شي مره وحده لان الانسان صعب يترك الاشياء مره وحده ....

يعني مثلا الاغاني انا ماحب اسمعهم كرهتهم بس اوقات تنجبرين تسمعينهم يعني مثلا بعرس او كنتي تتابعين شي وطلعت اغنيه < التشبيه يضحك . بس هذا قصدي .

لكن انا ليلحين شايله الهمم وافكر بالي سويته ليل ونهار وما ارتاح الا لمن ابجي

بس ابشركم
من بعد ماتركت هالشي انخطبت
صج ((من ترك شيئا لله عوضه الله خيرا منه))


نصيحه لكل بنت تحب تترك هالشي وتبررلها اي سبب للشخص الي تحبه ترا مو نافعكم
نصيحه مني ... عشان ماتندمون والواحد مايدري متى يومه
:eh_s(*):
ترا مافي احلى من تقضين وقتج مع اهلج .. ولا مع انسان بيوم من الايام يتركج .. ترا كله جذب مافي حب .. الا للي يطق باب بيتج

اسفه طولت معاكم ... بس حبيت افضفضلكم مالي غيركم ... على فكره انا معاكم بالمنتدى .. لاكن سجلت من جديد ...

خواتي بالله دعواتكم لي

يارب في يوم الجمعه ارزق احبتي الجنه

يارب تغفرلنا ذنوبنا وتستر علينا يارب

يا فارج الهم، ويا كاشف الغم، فرج همنا ويسر أمرنا وارحم ضعفنا وقلة حيلتنا

....

:yaaaaaarb::yaaaaaarb: