المشكله مو ب ولدي المشكله ب ...؟؟

السلام عليكم ورحمة الله وبركاته

شلووونكم حبيباتي إن شاء الله بخير

ياقلبي حبيت أستشيركم بمشكلتي بما إنكم صاحبات خبره الله يخليلكم عيالكم

عندي مشكله إن ملابس ولدي تتمغط وخصوصآ من فوق من عند الغوله ولونهم من أول غسله يشهب اللون وتصير جنهآ من سنين عندي

ما أدري شالمشكله جربت كل أنواع صابون ملابس الأطفال و ماتغير شي وقلت يمكن من الغساله وقفت غسيل بالغساله

ورديت لأيام الطشت وماتغير شي كل شي جربته وماتغير شي

للعلم إن ملابس ولدي أغلبهآ من أماكن راقيه ومن لندن لأني توني جايه منهآ واللي من الكويت كلهم من نكست ومذركير إتش آند إم وباباز آند ماماز وتك تك ومن هالسوالف يعني حتى سنتر بوينت ما إشتريت منهم للحين

بس الحسافه إن ملابس ولدي من أول غسله تشهب وتصير جنه قديمه من سنييين عندي ¡¡¡¡¡¡¡


بنات الله يخليييكم أبي فزعتكم وتجاربكم شسويتوا حق ملابس عيالكم هذا أول واحد عندي ومتوهقه

الله يوفقكم وييسر أموووركم يارب