يا كل حاجاتي

<div><font face="Helvetica"><div align="right">البارت الثاني
بالأفنيوز تحديداً "the cheesecake factory"
خالد وبدر توهم واصلين
خالد وعيونه ادور على نوف..اي اي هذي اهي نوف اخ يانوف مشتاق لج مشتاق لشوفتج اخيراً شفتج!(بقلبه طبعاً)
بدر يطالع خالد:هوووب وين رحت!،امش نقعد
خالد:هاا يلا امش
نوف واهي تسولف مع ايلاف فجأه عيونها طاحت على خالد
نوف بقلبها(كبرت ياخالد صرت احلى..صرت اجمل)..
ايلاف:كاهم وصلو
بدر:يوعاااان
ايلاف:طلبو احنا اكلنا وخلصنا الحمدالله،والحين بنروح نتسوق:)
خالد:لا مافي فراره
ايلاف:انته شتبي!!!،احنا بنتسوق بروح اشتري لي جم شغله وبعدها بندخل سينما
بدر يطالع نوف:معاج فلوس؟
نوف:اي معاي
خالد بقلبه(اااخ ياصوتهاا نفس ما اهو ماتغير)..يتذكر اول لمن كان يدق على بيتهم يسمع صوتها ويسده:p
ايلاف:يلا نوف امشي
خالد وده يقوم معاهم
خالد:بدر احس ماني يوعان!
بدر:تبيني اهفك بالسويج الحين؟ماجنك شوي وتموت من اليوع قبل شوي
خالد ويهه قلب الوان:)
ايلاف:يلا سي يووو
خالد:حجزي لنا سينما معاكم
ايلاف:ان شاءالله




اب"zara"
نوف تفكر بخالد ونظراته
-اصبحت به مفتـــون والسبب نظــره-
ايلاف:نوفو شرايج بالجاكيت
نوف مو مركزه معاها
ايلاف:نوفووووو وثول!!
نوف انتبهت:شفيج خرعتيني شنو
ايلاف:قاعده اسأل
نوف:شنو
ايلاف:شرايج بالجاكيت
نوف:حلووو


-بعد ماخلصو راحو للسينما واهما رايحين..شباب جدامهم يتحرشون!..
الاول يطالع نوف:اخيييه ياعيونج!!!!
نوف خايفه:نعم شتبي!
الاول:ابيج اخذي الرقم تكفى بقولج شغله
نوف:فج عنا،ماتستحي على ويهك
ايلاف:ويت ادق على اخوي
نوف:ايلاف لادقين مانبي مشاكل
الثاني يطالع رفيجه:امش امش وايد شايفين روحكم
ايلاف:قلعتكم قلة ادب جد!
الشباب راحو..




خالد وبدر واهما صاعدين للسينما..
خالد لاحظ ارتباك نوف وحس ان في شي!
خالد:شفيكم حجزتو؟
ايلاف:لا،،قطيعه رفعو ضغطنا!
نوف تقرص ايلاف
خالد عصب:منو
ايلاف ارتبكت:ها،لا محد!!
بدر يخز نوف:نوفي شسالفتكم!!
نوف:مافي شي يلا خل نحجز لانتأخر






بالسينما
ايلاف كانت قاعده يم نوف ونوف يم بدر اخوها وخالد اخر شي
لما خلص الفيلم..
ايلاف:واااي البطل عجييب
نوف:اي والله يشوق
خالد:ماعجبني الفيلم
بدر:خلو الهذره الزايده عنكم انا تعبت وبروح البيت اخذلي قيلوله(نومة نصف النهار)






بليل الساعه 9:15
ام بدر:هذا انتو تنامون النهار كله وتقعدون بليل
نوف كان شكلها كيوت شعرها صاير كشه ولابسه شورت وبلوزه علاق
نوف:واااي يمه تعبانه والله
ام بدر:زين اذا تبين اكل آني(اسم الخدامه)حطته بالسخان
نوف:يمه تدرين شنو بخاطري
ام بدر:شنو
نوف:ودي جي تكلمين بابا يحجز لنا شاليه بالويك اند وتكلمين ام عبدالله تيي معانا ابي ايلاف معاي:(
ام بدر:تصدقين فكره حلوه منها نغير جو ومنها نوسع صدورنا
نوف ابتسمت


نروح لإيلاف اللي توها تقعد
ابو عبدالله بصراخ:لا صلاة لا عبادة كل حياتكم اكل وسهر ونوم والله حرام مو زين لصحتكم
ايلاف تتثاوب:بابا ولا يهمك بعدل روتيني وبعدل كل شي بس خيخلص الدوام
ابو عبدالله:نشوف،الا وين خويلد وعبدالله
عبدالله:السلام عليكم
ابو عبدالله:توني اسال عنك،وينكم انتو
عبدالله:بقلبك ياحلو
ابو عبدالله:اقول انطم بس انطم
عبدالله:ولدك هذا خالد 24 دواوين لا دوام لاشي حياته خساره
ابو عبدالله عصب:ايلاف روحي قعديه روحي
ايلاف:ان شاءالله
عند خالد،غرفته بارده مثل الثلج ورايح بسابع نومه كان بس لابس شورت(متعود يلبس شورت اذا بينام)
ايلاف بطلت الليتات وسكرت التكييف وبصرااخ:خلوووود قوم ابوي يبيك سوت عرس عشان يقوم
خالد قام مخترع:العن ابو هالويه،شفيج شفيج تصرخين وطي صوتج بقوم بقوم
ايلاف تضحك على شكله شلون مخترع:يلا انا بنزل وان شفتك ماقمت والله لا اييب ماي بارده و اسبحك فيه
خالد يخزها بحقد:ذلفي زين
تحت تحديداً بالصاله والكل كان متيمع
ابو عبدالله:من باجر اداوم جابل دوامك خلاص عاد اللعب خلص وكلها جم يوم وتعطل
خالد:ان شاءالله
ابو عبدالله يكلم ام عبدالله:قبل شوي دق علي بو بدر حاجزين شاليه الخميس ويبونا انام هناك ثلاثة ايام
ام عبدالله:والله فكره جود الجو حلو
خالد استانس وبقلبه يقول(اخيراً بشوف نوف ااخ يعني بجابلها ليل ونهار)
ام عبدالله:عيل ايلاف من باجر زهبو اغراضكم باجر اربعا وماباجي شي ع الخميس
ايلاف:واي وناسه يعني بسوي تان
خالد يطالعها:وتصيرين لمبه محترقه بعد:)
ايلاف:هيهي مايضحك


الاربعاء الساعه 11
نوف توها بتنام الا واصلها مسج
(بنام ولكني ابيك في حلمي نصيبي،تصبح عيوني عليك وانتي من اهلي حبيبي♥)
نوف استغربت حيييل،طنشت المسج،قرت سورة الملك ونامت




الصبح الساعه 8
ام بدر:خلصونا بنروح مبجر يلا
بدر:بنتج صارلها ساعه مادري شتسوي
ابو بدر:خلوها تاخذ راحتها
نوف توها نازله من الدري كانت لابسه تريننغ وحاطه ميك اب خفيف ونظارة شانيل كبيره وشعرها كبه:p
بدر يخزها:شرفت انجلينا جولي
نوف:انت ليش حنان وايد؟
بدر:حنان ولا شيخه
نوف:واااي سخيف ومشت وخلته


نروح لشاليهات الخيران
الساعه 11 وصلو بيت بوعبدالله
ام بدر:هلا هلا بالغاليين مابغيتو
ام عبدالله:شنسوي يا وخيتي على ماحطينا الماجله وقعدنا لعيال
ام بدر:الا وين لعيال
ام عبدالله:كاهم يايين
دخلت ايلاف اللي كان شكلها بيبي فيس حيل كانت لابسه تريننغ ومسويه شعرها ذيل حصان
ام عبدالله:هلا ببنيتي هلا بمهندسة المستقبل:p
ايلاف استحت:هلا فيج خالتي
ام عبدالله:شلونج حبيبتي وشلون دراستج
ايلاف:الحمدالله خالتي كل شي تمام
ام عبدالله:الحمدالله


نروح لبدر وخالد اللي كانو متواجدين اب game center
بدر:اقول انا يوعااان
خالد:و انت من عرفتك يوعان
بدر:امش امش


راحو لشاليهم
نوف وايلاف كانو قاعدين برا
خالد وبدر شافوهم
بدر:شمقعدكم بالحر
ايلاف:بنسوي تان
خالد:توج يايه باجر سوي
خالد عينه على نوف اللي كانت تلعب مع ولد عبدالله احمد وتبوسه
نوف مانتبهت لنظرات خالد بس كانت حاسه ان احد قاعد يخزها
بدر يطالع خالد:هووب احاجي منو انا
خالد انتبه:شفيك شفيك
بدر:امش يلا خنقولهم ينجبون(يحطون)الغدى
ام بدر:يلا ياعيال تعالو
خالد لما شاف احمد راحله شاف شفايف نوف مطبوعه بخد احمد جان يروح يبوسه حييل
ام عبدالله: هو شفيك عل ولد
خالد يضحك:احب ريحته يمه احبها
ام عبدالله:زين يلا قوم تغدى
خالد قام


بليل الساعه 1
عند نوف وايلاف
ايلاف:وااي نعست حييل
نوف:انا مو يايني نوم:(
ايلاف:انا بنام
نوف:تكفى لاتنامين وتخليني
ايلاف:لاتحنين بنام خلاص اوش
نوف بقلبها(اوف شسوي الحين خل اقوم اطلع برا)
نوف واهيا طالعه شافت خالد لابس شورت بدون شي وكان توه طالع من الحمام
نوف استحت وفيسها قلب الوان
خالد انتبه لها ولاحظ انها انحرجت وحب يغير الموضوع
خالد:شعندج مو نايمه
نوف:ها لا الحين بنام
خالد:ايلاف نامت صح
نوف:اي
خالد:وبدر بعد نام شرايج نروح عند الشاطئ
نوف:مم،اوكي


عند الشاطئ
خالد كان قاعد يم نوف
خالد:نوف
نوف:هلا
خالد:زين ليش ماطالعيني
نوف استحت وحطت عينها بعينه
خالد:اي جذي يبا،نوف سولفيلي عنج اكثر ابي اعرف شخصيتج
نوف:انته اسأل وانا اجاوب
خالد:شتحبين اكثر شي(شالسؤال البايخ)بقلبه
نوف:احب اسافر،احب اتسوق،احب اقرا روايات
خالد:شي حلو
نوف:وانته
خالد:احب الشعر واكثر شاعر احب اسمع له بدر بن عبدالمحسن
نوف:الله الله عيل يلا قولي شعر
خالد:ابشري
نوف:يلا
خالد:الوعد باكر,
و لو تأخرتي .. لا يجي باكر
ما أبي باكر بدونك
احبسي الفجر فـ عيونك
و إن أشغل طيف
.. ,/ ظنونك
واعديني بعد باكر
أنا ظلي تحت شمسك
و لو تغيبي ما هو ظلي
و انتي اسمك في حياتي
يهمسه بعضي لكلي
آه يا ضعفي و غروري
اعدليفيني و جوري
و اصدقي .. راعي شعوري
و واعديني بعد باكر
هذا وجهك في عيوني
ما رسمته لا وربي
و اللي يصرخ في ضلوعي
هذا صوتك ماهو قلبي
آه يا شمعة وجودي
اشعلي نارك في عودي
اهجري قلبي و عودي
و واعديني بعد


الصبح الساعه 9
نوف توها قاعده شافت ايلاف تسوي تان برا
ايلاف:صح النوم متى نمتي امس
نوف:الساعه 4
ايلاف:اوف اوف شتسوين يالجلبه
نوف تذكرت امس وابتسمت وسرحت شوي
ايلاف:يتهنى اللي ماخذ عقلج وتشرب الريد بول
نوف:جب بس جب،تبيني اعلم خالتي ع الريد بول؟
ايلاف خافت:لا يبا اللحين تسويلي قصه مالها اول ولاتالي،وقطته
نوف:اي خلج خوش بنت
ايلاف:ماتبين تسوين تان؟
نوف:لامايحتاي حبيبتي اصلاً اللي يشوفني يقول مسويه تان
ايلاف:اي والله حلو لونج يل جلبه
نوف تضحك
ام بدر طلعت:نوف قومي قعدي اخوج
نوف:ان شاءالله
نوف صعدت
نوف توهقت ماتدري بدر اي غرفه كان في غرفتين يم بعض..
نوف بقلبها(امبيه شسوي الحين خل اعد للعشره واشوف):)
بطلت الباب وكانت الغرفه باااارده وظلمه
راحت طفت التكييف وبطلت الدريشه
نوف راحت صوب اللي نايم وشالت الغطا شوي شوي بس للأسف كان معطيها ظهره خصوصاً انه بدر وخالد يتشابهون بالشكل حيل حتى من ورا نفس بعض
نوف بصوت واطي:بدر
لكن للأسف طلع خالد:)
خالد لف صوبها(انا بحلم ولابعلم بطل عيونه وشاف نوف)
نوف شوي وتبجي:خالد،والله عبالي بدر والله وراحت بسرعه
خالد مومستوعب شتقول بس كان مستانس
نوف راحت الغرفه الثانيه:بدرررر
بدر مايرد
نوف:بدر قوووم يلا عاد
بدر:شوي بس شوي
نوف:خلصني امي تقول اذا ماقعد يبيله سطل ماي وكتيه على ويه لمن يصحصح
بدر:اقول ذلفي بس لا احوكج كف
نوف:مااااشي يابدر
راحت يابت سطل ماي بارد وعلى ويه وانحاشت
بدر عصب:والله ماخليج يانوف


بدر وخالد اللي توهم رادين من المسيد
خالد يدور نوف بنظراته
بدر كان يشوف ايلاف من برا شلون حاطه الهيد فون وتغني اجنبي وموهامها شي ويضحك عليها(ملامحها طفوليه وحركاتها بعد يحليلها)