قصيده لشاعر المحاوره المعروف (سلطان بن وسام الهاجري )مع رد متواضع من احد اعضاء منتدى
في الحقيقه هذه قصيده جميله لاتضاهي في جمالها الا من كتبت فيه وذلك لروعه التصوير فيها وتناغم الالفاظ والدقه المتناهيه في ربط شاعرنا لمعاني قصيدته هذه ..... فرأيت ان لابد من اظهارها
من بين الرفوف واطلاع الاخ او الاخت المتصفح بين زواياهذا المنتدي الغني بالمواد كثيره الدسم في هذاالموروث العظيم .....
قصيده سلطان:-
لاجل الغلا نطوي البيـداونقطعــها
مشـاعر الحـب لاعنت تعنيينـــي
لاقلت لبيـه من ثغرك وانااسمعـها
نسيـت بعد المسافه بينك وبيني
ياعشقه الروح ياخـيره مطامعــها
شوفتك عن باقي الدنيا تكفينـي
محبتك من ثلاث سنيـن زارعـــــها
في شهـرسبعه سنة خمسه وتسعيني
وداعه منـك وانت اللي مودعـــها
تجري مع دم قلبي في شرايينــي
وانته وداعتك روحي لاتضيعـــــها
ضياع ياسر عرفــات لفلسطينــي
تولعت والله اللي فيــك ولعــــها
والقلب عاشقك قبل تشوفك العيني
النفس تامر واناماني بطايعـــها
الله عن النقد والمنقود يحمينـي
لو ان كبدي هجير الشوق لايعـــها
امر عطشان والشيمه تعدينــــي
ام الدلع في ذرى شيخ مدلعــــها
زيزوم قوم علي الشدات قاسينـي
شيخ ليا كبرت القاله يسنعــــها
ماهي بشيخة ختم والا ملايينـــي
(((((((((( وهذا رد واحد من اعضاء احد المنتديات ))))))))))
من هاجس يدفع اشواقه ويدفعـــها
مشاعر ماشعــرها الا محبينـــي
اطاوع احساسي المرهف واطوعـــها
محرافها عجــل والا شلة هجينـي
للي هروجه تسليني وانا اسمعــها
واقول ياهاجس الاشعـار ودينــي
قريت قصتــك واحلل واراجعــــها
لاعل قصتك ترجـح بالموازيينــي
لانك تقول انها خيرة مطامعــــها
هذي حقيقـه وخلها بينك وبينـي
مالومك ان هلت السودا مدامعــها
لاشك هذي سنـون الحب ياعينـــي
وقيس الملوح تمثل في روايعـــها
ثم باعته بيعة السلطان للقيني
القدس ياسر تخلي عن مطامعــــها
باع الحمامه ويبست شجرة التيني
يقول انا حامى الديره وقارعــها
واثره مخاوزمع كلنتون ورابيني
حبيت اصارع همومك وانت صارعــها
والا هـمومـي تراها بالملاينــي
وحنا سواء في الهوا تشلع واناارقعها
في دبره اللي يموتني ويحيينـي
وان قاله الله علي الاقمار ذايعـها
في شهر مارس سنة تسعه وتسعيني
بصراحه قصيده راائعه ورد محترم لهذا الشاعر
اتمنى ان تنال اعجابكم
تحيتي للجميع
