اكره شغلي بالوطنية، عافسني فوق تحت

السلام عليكم بنات

سوري بنات يمكن هذا مو المكان المناسب للموضوع بس لان المشاكل الاجتماعيه يطولون على ماينزلون الموضوع وبما ان المكان متصل حق العمل فحسيته مناسب

بشكيلكم همّي والله تعبانه نفسيا وايد ابي مساعدتكم

انا كويتيه اشتغل بالوطنيه للاتصالات الافرع للاسف
مكان ضييم جحيم فوق ما ان الكويتيين مظلومين فيه والله تعباااانه
يمكن صج كل الموظفين اللي نفس مكاني حاسين بهالشي بس هم شخصيه عن شخصيه تختلف
في اللي يتحملون وفي اللي مثلي خلاص طفح الكييييل!

كل يوم ايوون لنا عملاء يقلون ادبهم علي
عملاء يصارخون علي او يغلطون علي وللاسف الاداره ماتسوي شي
حتى الهندي تخيلي يصارخ عليج ومايصير تردين عليه! اذا رديتي يحاسبونج!

شنو احنا طوفه هبيطه جدامكم! يعني قاصين علينا بالمعاشات الكويتيي الحمدلله يقدر اييب الفلوس مو الفلوس اتييبه بس الراحه النفسيه اهي الاهم بنااااات تعببببببببببببببتتتتت


اذا شهادتج جامعيه وتخصصج موجود عندهم مايحطونج بالاداره على تخصصج! لانج كويتيه يقطونج افرع! اي يقزرونها عالكويتيين! ليش؟! يبون الكويتيين يصيرون واجهه! بالافرع والبداله! الكويتيات يتبهذلون من الناس يقلون ادبهم عليهم والله ومو قادرين ناخذ حقوقنا غير انه مدير الافرع مو كويتي ويتحرش بالموظفات الكويتات والله العظيم اشكثر اشتكوا عليه ماسووله شي والبنات تفنشو!! يعني حتى بنفسج مو مأمنه

والله العظيم يا بنات لما دشينا قالو لنا كلام ثاني وحقوقنا واللي علينا ومستانسين ومتحمسين
بعدين فجاه تنصدمين بالامر الواقع! بنات شسوي؟ خصوصا انه الدوام شفتات تعبت تعبت تعبت

مو قادره اقعد مع اهلي او اطلع شاليه وانام وياهم بعد والاجازه بطلعة الروح يعطونها لج غير بيئة العمل "الغير صحيه" يعني كل شي فوق بعض والله كل هذا نساني مميزاتهم تقولون لي خط بلاش واللله مو حاسه بحلاوته من الثقل اللي حاشني من هالوظيفه والمشكله ماصارلي وايد بهالوظيفه واذا تبين تطلعين تقدمين استقالتج يقولون لازم تقعدون 3 اشهر زياده قبل لا تطلعين! ويع والله ويع احتكار مو طبيعي بمووووت بموووت تعبااااانه شخصيتيييي تغييييرت ماصرت مرحه ولا اضحك مثل قبل والمدير مال الفرع يلوع الجبد بس يدورون الزلات جني عدوته من زمان مادري شيبي! والمشكله مع الكل وخواف ومصخره


بنات اسفه عالاطاله والله تعبت من الناس يعاملوني بهالطريقه انا داشه ابي وظيفه سنعه واخذ معاش اشتغل عشان شي مو اشتغل عشان انهان واتمصخر ومحد يحترمج ويعطونج فلوس ويع والله ويع تعبت ارد البيت ابجي من العملا يعاملونج جنج انتي مديره الشركه الخايسه


تعــــبــــت شسوي شسوي شسوي!

بنات نصيحتكم شسوي الله يخليكم