تشاينيز لذيييييييييذ

الســـــــلامـ عليـــكمـ و رحمـــهـ الله و بــركـــاتــهـ



مواضيعي الســـابقه


معدس الربيان والبطاط بأجار الليمون (طريقة مبتكرة - مصورة)


بــاستــا الأجبــان الثـلاثـة بالكفـتة


خبز الثوم بالبطاط - ساندويشات الجتني بالتيركي (مصوره)


Pink Pasta سهله و سريعه

ترافيل التوت و الورد


Olive Garden Chicken Gnocchi Soup

^ـ^ سويت سحرني حلاها ^-^



كوكيــــز بيتزا




دياي بالشبنت و ساور كريم





......



بما ان انا امووت عالتشاينيز سويت هالطريقه وحدها لذيذه

للاسف ما اذكر من وين ماخذتها بس جنه من المنتدى او منتدى ثاني مادري ههههه


المهم


المقادير:

اسباغيتي او اندومي او اي نوع نودلز صيني حسب المتوفر والكميه حسب الرغبه

علبه صدور دياي مقطعه شرايح او ممكن تسوونه على ربيان او لحم بنفس الطريقه و ان شاء الله يضبط

خضار مشكله حسب المتوفر عالاقل تحطون 3 انواع

(جزر شرايح - لهانه شرايح - فليفله شرايح - ماشروم فريش او معلبات او مجفف - بيبي كورن - بزاليا - فاصوليا .. الخ)

زنجبيل مبشور قطعه صغير + زنجبيل بودره

صويا صوص

صلصه المحار

صلصه ماجي

بصل شرايح حبه وحده

فصين ثوم مهروسين

وممكن اذا متوفر بصل اخضر او لييك نفس شكل البصل الاخضر بس كبير و متين

شويه ماي او مرق دياي (ماجي)



الطريقه:


اول شي انتبل الدياي بصويا صوص و صلصه المحار و صلصه ماجي تقريبا ساعه مع بودر الزنجبيل

على نار عاليه نستخدم مقله كبيره او اذا متوفر ووك احسن المقله الصينيه نحط الزيت ونشوح اول شي البصل و الثوم و الزنجبيل على يصير بالزيت نكهه ونحط الدياي

بعدها نضيف الخضار الي تاخذ وقت وتكون يابسه مثل الجزر و الفليفله والبيبي كورن اذا كنا ضايفينه وبعدها اللهانه والماشروم

والاخير الخضار الرقيقه مثل البزاليا و البصل الاخضر علشان ما يحترقون

اخر شي نرجع نضيف صويا و صلصه محار وصلصه ماجي حسب الرغبه انا احب اكثر الصويا وطبعا ما نحط ملح علشان الصلصات فيهم نسبه ملوحه

وبالاخير نضيف ماي شوي او مرق الدياي (ماجي) او ممكن من ماي سلق النودلز


نضيف عليهم النودلز ونقلبه


وبالعافيه


[IMG]http://im42.********************************************/ilY17.jpg[/IMG]