دياي بالشبت و ساور كريم

الســـــــلامـ عليـــكمـ و رحمـــهـ الله و بــركـــاتــهـ


طايحه طيحه بقسم المطبخ ههههه


مواضيعي الســـابقه


معدس الربيان والبطاط بأجار الليمون (طريقة مبتكرة - مصورة)


بــاستــا الأجبــان الثـلاثـة بالكفـتة


خبز الثوم بالبطاط - ساندويشات الجتني بالتيركي (مصوره)


Pink Pasta سهله و سريعه

ترافيل التوت و الورد


Olive Garden Chicken Gnocchi Soup

^ـ^ سويت سحرني حلاها ^-^



كوكيــــز بيتزا



.....


طبقنا اليوم للاسف بدون صور لان من لذته قضينا عليه ههههههه

و الطريقه مأخوذه من اكاونت افنانيتو بالانستغرام

بس احنا مغيرين فيه (الوصفه الاصليه باللحم) وضفنا فليفله و فلفل احمر بودره


المقادير:

علبه صدور دجاج

علبه كريمه سائله

علبه ساور كريم (كريمه حامضه)

فليفله مقطعه شرايح

بصله مفرومه

فصين ثوم مهروسين

قطعه صغيره زنجبيل مبشور

شبنت مفروم نص شده تقريبا

ملح وفلفل اسود و فلفل احمر حار بودره حسب الرغبه

كاري حسب الرغبه

خل حق تتبيل الدياي

زيت او زبده او سمن للحمسه


الطريقه:

نقطع الصدور مكعبات او شرايح ونتبلها بالخل و الملح والفلفل الاسود مده ساعه

نحمس البصل و الثوم و الزنجبيل نضيف لهم البهارات

نضيف الدياي للحمسه ونتركه لين يتشوح

نضيف الكريمه السائله و الحامضه

نضيف الشبنت ونتركه يتسبك

راح يكون ثقيل نفس الجكن بتر اذا حابينه يكون خفيف تضيفون نص مكعب ماجي مذوب بنص قلاص ماي


وبالعافيه


الاكله باكاونت افنانيتو اسمها شرايح الستيك بصوص بالشبنت