-
استشارة حول العمالة
اغنام - ابل - دواجن - طيور
السلام عليكم
انا اعاني كثيير مع العمالة
هذا رابع مراح اشتريه تقريبا
والمشكلة ان اي عامل ما يبي يشتغل معاي سوا ع كفالتي او لا
سواء زودت راتبه او لا
بالنسبة للمراحات اللي اخذها فهي لا تقل عن 100 راس تقريبا
عندي مزرعة واعتمد اعتماد كلي عليها
كنت لا اشتري من السوق الا البرسيم ( اللبانه والشعير ) للبهم فقط
باقي الحلال اخلي العامل يجز من برسيم ه المزرعة واعلف منها يوميا
قبل كم سنة كان عندي عامل يحصد لي البرسيم واوديه للسوق وكل يوم اعطيه 5 او 10 ريال من غير راتبه
لما اشتري الغنم جلس عندي كم شهر وبعدها هرب مع العلم اني زدت راتبه
وبعدها جبت عامل ثاني ب 1200 ريال
وظل عندي بالرغم من عدم رضاي من شغله بس قلت يالله يفك ويسهل علي
وبعد فترة بعت الغنم وجلس فترة واخذت غنم جديدة
وجبت عامل ب 1300 ريال واكله وشربه علي
بس ما طاب لي وحسيت انه لعوب وبعدها اعطيته حقه وسرحته
والان جبت عامل ع كفالة الوالد بس من ثاني يوم من وصوله عيا يشتغل وقال يبي يرجع لبلده ( الهند )
فاليت تفيدوني
hsjahvm p,g hgulhgm
