رسالة: إلى جمهور الهلال!

السلام عليكم ورحمة الله وبركاته..
أول شيء أبارك لكم توقيع الأسطورة سامي الجابر لتدريب نادي الهلال
والله يوفقه لإرضاء وإسعاد الأمة الهلالية في أنحاء العالم..

بما أننا في موسم " عطلة " كروية والأندية تستعد للموسم القادم
حاب أتكلم عن الجمهور الهلالي قبل ما يبدأ الموسم, وإن شاء الله
يوصل لكم وتستوعبونه..

أولا: مستوى حضور المباريات:
مستوى الحضور هالسنة "مباريات الرياض" ما يقارن بالمواسم الماضية!
جمهور بعد ما كان الأول في نسب الحضور صار من الأسوأ!
جمهور الرياض صاير " جمهور مقاهي وإستراحات "
جمهور ما يحضر الا مباريات ديربي او كلاسيكو أو نهائي!
الهلال عنده 13 مباراة على أرضه فالدوري ما يجي حضور الا مباراة قوية!
بدال ما انت قاعد فمقهى ولا اي مكان تعال إدعم فريقك, الهلال يحتاج جماهيره المرحلة القادمة.
تقول رجع لي هلال قبل وأحضر كل المباريات؟ سبب غبي جدا, انت تشجع الهلال سواء كان الافضل
او الأسوأ! اذا انت هلالي حسب النتائج لا تشجع وريح بالك!
لا تقصرون مع الهلال الموسم القادم..

ثانيا: سلبية جمهور الهلال: " ما أعمم, لكن الأغلبية "
أنا حضرت كم مباراة للهلال الموسم المنصرم, أغلبها ما كانت جماهيرية..
تقريبا المباراة الجماهيرية الوحيدة اللي حضرتها مباراة "لخويا"
بتكلم عن الحضور في مباراة لخويا:
الحضور كان جيد جدا, اتوقع كان 14,800 وعليها
حضرت من المغرب, الجمهور كان ساكت الى أن جت الرابطة قبل صلاة العشاء, أنا كنت جالس فوق..
تفاعل الجمهور وانا من ضمنهم لين صار قليل اللي يردد مع الرابطة فوق, وانا متحمس وحالتي حالة
واللي حولي كلهم ساكتين لين سكتت معهم, اللي تحت كانوا مشعللين مع الرابطة, ثم سكتوا! العفيفي بدأ يسكت يوم شاف ما احد يردد معاه إلى أن سكت تماما!
رجعت الحياة للجمهور يوم دخل جيريتس, قام الجمهور كله يصفق, أتوقع أكثر لحظة كان فيها الجمهور متفاعل..
تفاعلوا مع دخول لاعبين الهلال للتسخين قبل المباراة, ثم كالعادة بدأوا بالهدوء تدريجيا!
رجعت الرابطة مع دخول اللاعبين لبدء المباراة, عاد أنا ومعي ولد خالتي نزلنا تحت عند الرابطة
يوم شفنا الوضع فوق, أصنام كئيبين! تحت كان الوضع افضل, تتحمس وتردد مع الرابطة!
ربع ساعة ورجع الهدوء للجماهير فوق وتحت, كان قليل اللي يرددون..
الجمهور يتفاعل دقيقة ويهدأ خمس دقائق, إنتهى الشوط بخيره وشره, وانا واللي معي رجعنا فوق
بعد ما تعبنا من الوقفة.. بدأ الشوط الثاني الجمهور هادئ, العفيفي قاعد يتشحذ اللي فوق عشان يرددوا!
"يا شباب حنا حاضرين لأجل الهلال, لا تكونوا جمهور سلبي, التفاعل يا شباب"
وهم ولا كأنه قال شيء.. استمر الهدوء لين شافوا ياسر يسخن, بدأ الصخب ساعتها!
وينهم طول المباراة ما أدري, دقيقتين بعد دخول ياسر رجعوا يسبون في ياسر بعد ما شافوه يمثل..
أتوقع الكل تابعها.. المهم بدأ السب بعد هدف لخويا, كلن يسب من عنده, جاهزين للسب والتشجيع لا!
المهم انتهت المباراة وإستمروا بالسب والسلبية..

اللي بيحضر يحضر دعم ومسانده مو بس يتابع, الجمهور السلبي ينعكس ع أداء الفريق.

ختاما: سامي قال في لقائه مع إذاعة Mix Fm : اتمنى من جمهور الهلال الدعم, اتمنى الحضور
يكون ممتاز الموسم الجاي بدون إستثناء مباراة كبيرة أو صغيرة, إدعموا زعيمكم.