الى حكماء وحكيمات منتدانا الغالى
وصلتنى رسالة من امراة مكسورة الجناح تتطلب مشورتكم وهذا نصها
السلام عليكم ورحمة الله وبركاته
ابغاكم تساعدوني في مشكلتي مع زوجي لأني تعبت وضاق خلقي من كتر ما استحملت عشان خاطر البزوره بس اكتفيت...
انا متزوجه من 11 سنه الحمدلله وعندي اربعه اطفال ربي يحفظهم امين يا رب
من يوم جوازي وانا عرفت ان من اسواء طباع زوجي حب التملك..ما راح تصدقني حتى النفس الي اتنفسه ملك زوجي من اول ما اتجوزت كان عنده حب السيطرع ما كان يخليني اخد اي قرار في حياتي كله هو الي يختار.ايش ناكل فين نروح نتمشى.متى ننام.حتى احيانا لمن كنت اسهر لحالي وما فيا نوم كان يزعل ويقول لي ادخلي نامي ليش السهر .طبعا كنت اضارب وابكي وفي الاخير يصير الي هو يبغا.
كنا مخططين نسافر شهر العسل بس هو كانت خطته غير خامس يوم من زواجنا قال لي ابغا احطك تحت اختبار الي هو انا اسافر مع اصحابي خمسه ايام وانتي ما تجيبي سيره لأهلك وطبعا من داك اليوم ليومي دا ما عرفت ايش هوشهر العسلhttp://www.nsaei.com/images/smilies/frown.gif
بعد شهر من زواجنا سحب الجوال مني قال يكفي جوال واحد في البيت.طبعا اهلي ما سكتوا على الموضوع وجابولي جوال تاني على حسابهم دي الحركه حزته في نفسه واخد الموضوع تحدي مع اهلي اخر شي قطعني عنهم لأربعه سنين واهلي ما ادخلوا عشان ماتصير مشاكل وفي الاربعه السنين طلع عيني من ضرب وشتم وحرمان من الخرجات.اخر شي في السنه الخامسه ما قدرت اخدت المفتاح بالدس هو رايح الدوام وفكيت الباب ورحت لاهلي.
جاني مكسور وسامحيني وما عاد اعيدها ولين كتبته تعهد انه ما يمد يده عليا رجعتله.بس الحركه مين الي ما عجبتهم اهله الي انا ساكنه معاهم في نفس العماره كانوا يسوو نفسهم في صفي وبعدين ينقلولو كلام طالع نازل.ما كان يضرب بس يمسح في كرامتي الارض.ودا الشي ليومنا دا حاصل معايا.تعبتت من كتر المشاكل اهله واخواته هما الصح وانا طبعا الغلطانه.جيتوا بالحب بالكلام الطيب بزعل ما نفع.انا ماني مقصره معاه في شي البيت واهتمام بالبزوره بالطبخ بس مو عاجبه شي.هي كلمه وحده على لسانه على طول حتى بزورتي حفظوها انتي مجرد خدامه في البيت لا اكتر ولا اقل مو عاجبك روحي بيت اهلك.من يوم ما رجعت من بيت اهلي قبل سته سنين هو ينام لحاله في الغرفه وانا لحال.ودايما سقول لي هي يابنت الحلال انا ما ابغاكي اطلعي من حياتي انا اكرهك بس انا اللصقه جالسه بس عشان بزورتي والله وكلمته كمان الي يرددعا دايما انتي وسخ جزم امي واخواتي وبرضو قلت ايش زنب المساكين الصغار.وربي بكيت لمن جاتني بناي الكبيره عمرها 10 سنين قالت ماما ليش انتي مستحمله بابا خلاص اطلقي واخرجي وخدينا معاكي..اتفاجأت قلت من فين لكي دي الكلمه قالت جدتي كانت تقول لبابا طلقها وفكنا منها انا ازجك احسن منها..
فهمتهت اذا اتطلقت لازم اسيبكم او بالاخص هي حسب شرع الله بكيت قالت اسألي اخواني احنا ما نبغا بابا نبغاكي اني بس
قولولي اخواتي ايش اسوي صرت كل يوم انام وانا بأبكي صدري ضاق.ونفسيتي تعبت حتى صرت عصبيه مع البزوره.ارجوكم ساعدوني
ارجو تقديم النصح والمشورة لها حتى تقراءها وتستفيد من نصايح العقلاءلانها من متابعى منتداكم انتظر الاستشارة والمساعدة على احر من الجمر حتى انقلها لها
