كيف اخطط لحياتي لاني حاسة بالضياع

السلام عليكم

حبيت اسالكم هالسؤال ومنها اخذ اجاباتكم
لو انا ماعندي احد ينصحني او ما اشوف امثلة بحياتي لاشخاص او قصص واقعية
وانا محتاجة اسمع او اشوف بعيني او على الاقل اخذ واعطي مع احد حتى افهم نفسي وافهم الدنيا

وهالكلام كان في خاطري من زمان بس خليته في خاطري لاني ماطلعته لاحد
الحينة بيني وبين نفسي انا خلصت الجامعة ودرست تخصص في الاقتصاد لانه مطلوب
بس ماخطيت اي خطوة لجدام مادري ليش احس ان الدنيا تسكرت في ويهي

واحس اني ضايعة من كل النواحي واحتاج افضفض لاحد
واتكلم وابا اعرف انا شو مصيري وكيف بقضي حياتي
كل خوفي اني اصير عبرة ل احد ماعرفه
ومن ضمنهم اخواني وخواتي الي اصغر عني
على فكرة هم شخصياتهم غير عني شوي عدائيين ويهتمون بنفسهم بس

انا كنت العكس من صغري احب الاسرة واقدر هالروابط
بس مع الوقت اكتشفت ان محد يفكر بهالشي غيري انا وخايفة اني اخسر في حياتي

هذا الموضوع جدامكم اباكم تشاركوني رايكم
واذا قدرتوا تساعدوني اكون شاكرة لكم