اللي كان عندها مشاكل مع ام وابو زوجها وحطت حد تدخل

السلاااام


انا من فترة صارت بيني وبين ابو زوجي وامه مشاكل ام زوجي هي اللي تحرش عمي علي وهو يحط راسه براس الحريم ويحرش زوجي علي وهكذاااا

مايحتاج اقولكم شنو ردة فعل زوجي لما يهزأه ابوه عشان يسنعني

والمشكله خوات زوجي بعد صارو يقللون ادب ويراددون مع انهم بالثانويه والثانيه اول سنه كليه وانا اكبر منهم باكثر من 5سنوات


عمي يكرهني لدرجه ماتتصورون كله من تحت راس خالتي

انا غبت عنهم شهر لان كل شي صار اوفر وبروح لهم هاليومين


ابي نصايحكم
ابي اتصرف بحكمه
ابي احط حد لكل شي
ابيهم مايتجرأون يتمادون بحرف معاي
ابي يلاحظون اني تغيرت عليهم
بناااات انصحوووووووووووووووووني انا ماعرف اتصرف كلش كلش كلش وخوافه


ام زوجي بالذات ابي تفهم اني ابي مسافه كبيره بيننا خلاص الميانه والخبال اللي قبل مابيه تعبت منها

ودايما تسالني عن كل شي كل شي تبي تعرفه

ابي ردود ذكيه لما تسالني عن شي مابي اجاوبها وبنفس الوقت مابي اسفهها

وسؤالي الاخير لي 4 سنوات ونص وماحملت اجهضت بالخامس من 9 شهور
لما يسالوني عن الحمال شقول؟ابي رد يبين لهم اني عادي عندي حملت او لا خاصة وان حماي متزوج من سنتين ماشالله معاه ولدين وهو اصغر من زوجي ب5 سنوات


اسفه طولتها عليكم بس حابه اتغير ....