موسم غريب للاتحاد !!!

اخواني زي ماقريتو ف العنوان موسم غريب وفيه احداث كثيره

بدينا الموسم بداية حلوه ف الدوري ولعب الاتحاد مباريات كثيره مع كانيدا وكنا نقول اتحاد كانيدا لايخسر والاتحاد جع خلاص وف الاسيويه قبل مانواجه الفريق الصيني كنا نسمع عن قوته وخطورته وعن مدربه العالمي ولعبنا معاه وعلى طريقة الاتحاد قلبناها عليهم وتاهلنا لدور الاربعه

بدت اول مشكله للاتحاد وهيا مشكلة الخاين دي سوزا الي خذلنا كلنا راح الله لايرده ورجع الاتحاد يترنح من جديد زي موسم 2009 و 2010 و 2011 و2012 وطلع 2013 زيهم وتعادلات وخساير

والانديه صارت تاكلنا رايح جاي

وبدت السكاكين تطعن نمرنا وحرب الاعلام والعواجيز وعقدة الشرايع والاتحاد م يفوز ف الشرايع زي مايسميها البعض ب الحفره

طار كانيدا وطار بعده نور والمنتشري ... الخ

جانا بينات والمجموعه الشابه وجيه السعد
محمد قاسم والفوازين ومنصور شراحيلي وطلال عبسي والغامدي وفهد المولد وعبد الفتاح .. الخ

شي غريب فعلا ملعب الشرايع الي كنا نقول عليه عقده وحفره الاتحاد دايم يطيح فيها !!!

بس طاح فيها المنتهين اما بينات وشبابه ب حيويتهم طلعو من الحفره واكلو الهلال واكلو الفتح ف الشرايع !! الملعب الي كنا نتشائم فيه

موسم فعلا غريب


اليوم الاتحاد بيلعب النهائي فيه احد كان يتوقع !
حتى وان حصل على الاتحاد على كاس الملك للابطال ف الاتحاد مازال في ( مرحلة بناء ) وعشان يكون عندك اساس قوي يشيل الفريق لسنوات لازم نأسس فريق قوي والبناء يحتاج لسنوات لازم نصبر لازم ندعم ونازر ونشجع ونوقف معاهم

يارب الكاس للاتحاد .. قولو امين

فيه جمله عجبتني ف تويتر ب انقلها هنا
شباب الاتحاد ان فزتو ب الكاس فهي بطولتكم اما نحن ف بطولتنا انتم