الفزعه من اهل الخبره والمعرفه .. عنز حاااايل ؟؟؟؟
اغنام - ابل - دواجن - طيور
اسعد الله اوقات الجميع بكل خير
يالربع شريت عنز من واحد علي اساس انها دافع ، وانتظرت لين خمس شهور ومابين شي ابد ((الله يساااامحه كانه ماقصد يغشني)) واللي خلاني انتظر لان بطن العنز بدت تكبر وقلت الحمد لله شكلها فعلا مضرع وعلي وشك ولاده بس الحقيقه كانت عكس كذا تماما ، وانتفاخ البطن طلع ماااااااااش شكله من الاكل بس .
والمشكله ان فيه تيس عندي وماقرعها بس مرات اشوفه يوقف جنبها بس مايقرعها .
وهل العنز الحايل ينطبق علي عنزي هذي ، مع العلم بانها باتم صحه وعافيه ، وبصراحه علي نهاية الخمس شهور كان ديسها فيه حليب شوي واستبشرت خير بس مثل ماقلتلكم طلع فاشوش لاحمل ولاهم يحزنون .
وفيه قصه محيرتني((( كل ماقربت عند حياها تهز بذيلها وكأنها تقول لالا)) ههههههه ماني فاهم صراحه وهل هالحركه تعني شي بمفهوم اهل الحلال والخبره
وش علاج مثل هالحاله ، وهل العنز منها رجااااء والا ابيعها لحم وافتك
وهل فيه علاج يخليها تلقح وتضرع وتوووووووووووولد .
ابي خبرتكم ياهل الحلال
والله يجزاكم عنا كل خير
hgt.ui lk hig hgofvi ,hgluvti >> uk. phhhhdg ????
