بيني وبين البر صحبة وخوه = يبري جروح بين الاضلاع جوى
الشاعر/ عبدالرحمن الصالحي
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يقول من هو بالخلا شب ضوه= مد البساط ولشقر البن سوى
في صحصح خالي من الناس جوه= ماطبه اللي خلف آدم وحوى
عقب السحاب اللي زعج فيه نوه= أبطى يعله لين عرقه تقوى
ديم على العشب وتكامل نموه= ساق وتساقى لين روي وتروى
ينعش عبيره يوم أقطف علوه= بسباس وخزامى وربله وحوى
طيره يغني بالرواح وغدوه= قفر به آثار الزواحف تطوى
لون الفراش بلون عشبه تموه= يقطف زهوره ثم طار يتهوى
عيني لها شوف الطبيعة ظروه= ورجلي معودها على كل دوى
بيني وبين البر صحبة وخوه= يبري جروح بيب الاضلاع جوى
أسج ساعة مع ذعاذيع جوه=عن واقع منه الفؤاد يتكوى
الوحدة أفضل منخوي مفوه= يدوخك قال فلان وفلان سوى
واخير من مجلس عديم المروه= في هرجه إما اغتاب وإلاتبوى[/poem]
