بيسافر ويأخذ ولدي معاه 😔

السلام عليكم بنات شلونكم شخباركم
انا من زمان متابعتكم بس توني مسجلة وآسفة أول بداياتي نكد ومشاكل

انا متزوجة تقريبا من سنة ،، وهذي اخر سنة لي بالجامعة وحامل ريلي اكبر مني 5 سنين
السالفة تبدي من زمان اول ما عرفته ..
اول ما عرفته وخطبني أهلي حيل هبو فيه حيل استناسوا عليه أهله معروفين واهو يشتغل بالنيابة وأخلاق وشكله يجذب الواحد ويخليه يرتاحله ..

تزوجنا وكل ما كنت افكر فيه اقول مستحيل كنت احصل احسن منه بكل النواحي من ناحية معاملته معاي يدلعني يونسني يضحكني من ناحية لم اشوفه بين أهله له مكانته بين عايلته ومحترمينه وله كلمته من ناحية وظيفته تعتبر من أرقى الوظائف وافتخر اقول حق رفيجاتي انه وكيل نيابة ومن ناحية شكله مرتب وانيق واشوف فيه جمال يعني الحمدالله الي سخره لي ..
من اول ما تزوجنا عايلته اعتبروني جزء منهم يسألون عني واذا سافروا لي صوغتي ومرات أسافر معاهم وعمي يعاملني نفس بنته ويعزني حيل ..
المهم أن اهو من زمان يماشي بيت معين يعني يعرف البيت كله الأم والابو والعيال كلهم يحبونه وللحين يسافر معاهم فعندهم بنت صغيرة يعني الحين 17 او 18 وهالبنت كذا مرة تيي بيت عمي خالتي تحبها والبنت صراحة حبوبة حيل ووايد مرات أشوفها تستأنس علي وتحاول تتقرب مني لكن بسبة الي صار ما قمت اواطنها أهي طبعا وايد تسولف عن ريلي يمكن اكثر شي لدرجة مرة خالتي لاحظت قالتلي ترا من ما أهي ياهل تعرفه ونفس اخوها ..

السالفة تبدي هني فجأة ريلي قال راح اقدم استقالتي من النيابة واكمل دراستي بصير دكتور بالجامعة اهو أبوه رئيس قسم بالجامعة واخته معيدة ويلي يصير نفسها يقول ابي أبوي يصير اول دكتور بنته وولده دكاترة .. وهالكلام سمعته بعدين من عمي صج
انا اول شي قتله شغلك زين وجذي ما نفع قتله ما احب الغربة قال تحملي مرتي ولازم ( دايما امه كانت تقولي ديربالج تسافرين لان أهي كانت مع عمي لم اول كانت يدرس وحيل تاذت واهي تعزني حيل فصج خفت )

اهو طبعا سافر فرنسا يبي يشوف الجامعة وجذي والي صدمني انه سافر مع البنت واخوها وامها
طلع اخر شي اهو ماجستير واهي جامعة !!!
واحد منهم رايح مع الثاني

والي صدمني انه اخته الصغيرة قالتلي ان هالبنت كانت مكلمة أمها لم كان عمرها 16 ان تبيه حق ريلي وصج صار بس قال أهي نفس اختي

مع الايام سوا حركة استغربت منها بعيد ميلادي شرالي سيارة اول شي حيل استأنست بس بعدين استوعبت ليش يشتريلي اذا بنسافر وبعدين صارت مشكلة بيني وبينه وقتله كيفك سافر انا بقعد مع ولدي وقتها كنا كلنا معصبين قال لا سلامتج راح اخذه معاي قتله ما يصير انا امه وجذي شكله اخر شي عصب حيل جان يقول شنو بتسوين بترفعين حضانة ؟؟ انا وكيل نيابة ما تقدرين ترفعين قضية علي الا بإذن من مادري منو وجذي
سالت رفيجتي محامية قالت صعبة صح انا حيل اخترعت صج انا اصلا ما افكر بهالشي وصج ان بعدين تاسف بس مادري

الزبدة طولت هذي مشاكلي :

بيسافر وانا مااااااابي أسافر
بيسافر واهو مع البنت بنفس الجامعة ما اقدر اخليه
مابيدي شي وصج احسه ما يتنازل عن ولده
بيت ريلي حيل يحترموني أخاف اسوي شي أطيح من عينهم