السلام عليكم ارجوا الافاده يالوجيه الطيبه
اغنام - ابل - دواجن - طيور
انا حمدلله عندي مزرعه متكامله وعاملها موجود وابار ونخيل وشبوك وقلت ياولد انتا عندك اشياء موفره احسن من غيرك العامل مدفوع راتبه اصلا والشبوك موجوده والماء موجود اشتر غنم وازرع برسيم حمدلله بتوفيق الله شريت قبل امطار الخير تنزل باسبوع واحد من توفيق الله 90 غنم معها 60 متابيع وابي شوركم بالاسئله التاليه وابي منكم الله يحفظكم تجاوبون كل سؤال على حده لاني لاشتغلت شغله اهتميت فيها لو اسوي شي الناس ماسووه وازيد بالاهتمام
1
- الغنم تينتها دموي + معوي + 20 سم غرار في فم الغنم عشان الديدان والطفيليات هل فيه شي مهم غير هالتينه ؟
2- الغنم حمدلله متاومه لكن اواجه مشكله بعض الطفال يموت واحد ويبقى واحد مع العلم كل عصر وانا بالمزرعه والعامل يرضع قدامي غير ان الغنم حمدلله تروم ولدها مايحتاج احد يرضع وش السبب وش الحل في موت الطفل الثاني؟
3- كم يكفي البهم بلكة برسيم وكم يكفيه شعير باليوم عدد البهم 60اعماره من شهر لشهر ونص ؟ كم يكفي الغنم 90 من برسيم وشعير بعض الربع يقولون لاتسمن الغنم لاتضارع وتتعسر اثناء الولاده ابي الكميه المناسبه؟
يالربع انا جديد على الغنم والله ماعرف شي لذلك لو فيه نصايح ساعدوني الله يساعدكم بالعافيه والربع عندي كلن له طريقه قلت مالي الا الله ثم انتم؟
hgsghl ugd;l hv[,h hghth]i dhg,[di hg'dfi
