حظي وأعَرْفه من زمان مقرود ومنيّل بنيله !!
[poem=font="Simplified Arabic,6,darkred,bold,normal" bkcolor="darkred" bkimage="backgrounds/19.gif" border="none,4,gray" type=2 line=1 align=center use=sp num="0,black"]
كان الطريق أطول طريق واخطاي بالممشى ثقيلة = يهزني غدر الزمان واقول حاضر يازماني
كان الحكي مثل السكوت والروح غربتها طويلة = أبني من الغربة وطن واعزف من إجروحي أغاني
أمشي وانا الواقف على قانون سنّتْه القبيلة = تدفعني رْياح الأمل والعرف يرجعني مكاني !!
حاولت يابنت السحاب أسمع غناويك الجميلة = أصغيت لكنّ الصراخ أقوى من حدود المعاني
من يوم عينك سلّمت صار العمر عندي وسيلة = حاولت ألمس فيك حلم .. حاولت خانتني الثواني
لانتي قريبة ووصلك ولانتي فديتك مستحيلة = ياقو بأسه هاالغريب ياهو من عيونك يعاني
يوم التقينا مابقى في قلبي الطاهر فضيلة = إلاّ ومن نورك خذت ملامح الطفل الأناني
ياغالية لاتزعلين لو كانت ايديني بخيلة = أرجوك لاتستغربين لو زل باالواقع لساني
ماني بخيل إلاّ كريم وْلامن عطيت أعطي الجزيلة = لكنّ هقوات الكريم تبقى تسابيح وأماني
فيني على قدر الورود أشواك تعبث بالخميلة = وفيني كثر نور الصباح ظلام يرعى بالمباني
يابنت يابنت السحاب لو كان للغرقان حيلة = ماطاحت عزومه ورى موجٍ يزمجر للسواني
حظي وأعَرْفه من زمان مقرود ومنيّل بنيله = ياكثر ماحاولت أقوم وحظيظي الملوي رماني
يوم ان كلٍّ شابكٍ يمناه مع يمنى خليله = يمناي مثل اللي فقد يوم اللقا سيفٍ يماني !![/poem]
شعر \حمدان بن سالم العنزي
