الشاعر المفارق يا صباح عيونها اللي تحتريني
مساء الخير بنات
اليوم جايبه لكم قصيده حلووووووووووه وكلماتها تهبل تجنن يمه على هالشاعر
اسمعو كلماتها والله تجنن الله لا يضره من كل شر قولو امين
ياصبـاح عيونهـا اللـي تحترينـي ..
قبل هذا اليوم ... قلّـي ويـن كانـت !؟
طفلـة ٍ آشوفهـا.... بينـي وبيـنـي !
ويـن مالدّيـت .. بالأنظـار .... بانـت
طفلـة ٍ ترحـل معـي وتحـل .. فينـي
في سبيل الحب مـا لحظـه .. توانـت !
جيتها ماشوفهـا ! مـن دمـع عينـي !
أشتكي دنيا قسـت مايـوم ... لانـت !
قلت مدري وش أبـي ! لكـن عطينـي !
وامسحت دمعي وقالـت : أص هانـت !
أنـت تـدري ' فراقنـا ' دينـه ودينـي
وأنا احس لحظاته ' المنعون ' حانـت !!
خل عنـك ' الآه ' واسمـع ياضنينـي :
العزا ...' معشوقتك مايوم .... خانت ' !!
جيتهـا ترجـف مـن اللهفـة يديـنـي
ورحت ولسان الخفـوق يقـول زانـت !
علمتنـي بالغيـاب .. انشـد حنينـي !
واذكر إنه قالّـي : كانـت .. وكانـت !
طفلـة ٍ أشوفهـا .. بينـي .. وبينـي !
وين مالدّيـت بالأنظـار ..... بانـت !!
