وهل هو بلسم يداوي
لظى الفرقا ومر البين
لمنهو حالتــــه مثلي حزين مفارق(ن) خلـــــــه ,,,!!!
فراق(ن) ما رحم ظعفي
تقل بيني وبينه دين !!!
يخاوي جفنـــي الساهر مثل من لازمه ظلـــــــه
عذابه ماهو بعادي
دهاني لين ضقت ولين
تخاوى السهد وجفوني مثل وجهين في عمله,,!!!
لذاك الي على فراقه
سكن في خافقي جرحين
الأول حـــار ,,,, والثاني يدق العظم ويشلـــه,,!!
هذاك الي سكن روح
ومشاعر وإتزان حسين
وصــار يسيـــر اوجاعـــــه كــذا لله ثم لله ,,,!!!
ولكن رغم ذا كله
مكانه يسكن النونين
وغيره ما ملى عيني ابد في الكون ذا كلـــــه ,,,!!!
ولجله مو مهم اسهر
الين أذوب الجفنين
وأسامر حرفي الضامي بعذب الشعر واهلــــه ,,!!!
وأناجي طيفه الساهر
على مود(ن) يعرفه زين
بشوق(ن) يسكن ظلوعي ينــــادي له ويهتف لــــه
دخيلك ضاق بي صبري
وذقت في بعدك المرين
وشلت الهم من صدك وذقت إجحـــــافه وغلـــــه,,!!
ولاني جابرك فيني
ولكن ودي بأمرين
الأول كانني مخطــــي تبيــــح القلب وتحلــــــــه ,,!!
وثاني أمر إن جالك
قصيدي ودي بسطرين
تبـــــرد قلب ما خانك بكل إحساس وتقلـــــــه ,,,!!!
يداوي علته بالصبر
ولا يشكي عذاب البين
ويصبر والصبــــر طيب عسى ربه يسهل له ,,!!!
وأكيد إن الصبر طـــاعة
ولكن الموادع شين
يصيب القلب بالحســـــرة ويطعن فيه ويذلـــــه ,,!!!
ولكن بس أبي واحد
يعلمني طريقه فين
لأني للأسف (عاجز) أفتش عنــــــه وأدلــــه ,,,!!!
