>> أمامنا 24 ساعة كـ جمهور .. ماذا يمكن أن نصنع !؟ - جمهورنا هجومنا - الأهلي × الشباب
بسم الله الرحمن الرحيم
على ماقالوا نبي ختامها مسك .. باقي عندنا 24 ساعة بالضبط لمباراة الاياب مع الشباب ومنها باذن الله للنهائي يكون احد حصادنا لهذا الموسم
اتمنى نترك كل الامور اللي تشوش على نادينا من عقود لعيبة من مستويات بعض اللعيبة من مقارنات وأخبار من نوادي اخرى ومن ناس ما تسوى نشهرهم او نعطيهم قيمة .. 24 ساعة نضع كل جهدنا لدعم الملكي ..
اسمحولي اعطيكم تقديم بسيط عن المباراة يهمنا كجمهور /
أولاً بطاقة المباراة
المباريات السابقة في كأس الملك
طبعاً نذكر 3-0 كانت بسبب مخالفة صريحة لنادي الشباب واكلوها على روسهم .. الحق لنا طبعاً لكن فوزنا عليهم حالياً باذن الله بدون اي شكوى بتكون اكبر كسرة عين لهم
الهدافون
طبعاً عماد الحوسني مصاب الله يقومه بالسلامة .. لكن عندنا امال كثيرة لحصد هداف الكأس سواء بثبوت عدد اهداف المركز الأول او ان يشد حيله برونو ومهي صعبة باذن الله :D
[ الأهداف بمافيها مباراة الاتحاد ]
مكان الملعب
للأمانه في البرنامج طالع عندي الاستاد .. ان كان الاستاد فهذا وصفه /
من الرياض : سواء من مخرج 9 أو 10 الاتجاه شرق الى ان يعترضك طريق الشيخ جابر وتشوف الملعب قدامك
من الشرقية : طريق الرياض الى ان تحصل لوحة عليها [ طريق خريص ] ان ماخانتني الذاكرة يمر بك الشارع من جنب الاستاد
من المجمعة والقصيم والشمال : اول ما تعدي صلبوخ وتدخل الرياض يعترضك الدائري الشمالي خذ معه يسار [ شرق ] وبتّل الى ان تحصل الدائري الشرقي رح معه يمين تصير رايح جنوب .. يجيك مخرج 9 رح معه نفس الوصف اللي وصفته لأهل الرياض
من الخرج : اول ما تدخل الرياض وتتعدى اسكان طريق الخرج تدخل في الدائري الشرقي بتّل شمال الى ان تحصل مخرج 10 ورح معه يمين يعني شرق ورح زي ما وصفت لأهل الرياض
وهذي صور للاستاد
همسات مني الفيفاوي كـ احد مجانين القلعة الملكية .. اعتبروها وصفة فوز خلال 24 ساعة :) /
- اتركوا اي لاعب او فريق او اعلامي او فريق غير اهلاوي خلال الاربع وعشرين ساعة .. يوم واحد لا تعطون اللي يخربون علينا اي قيمة
- ادعموا الاهلي بالتصاميم والمقاطع والتشجيع واقتراحات التشجيع واي شي ممكن يدعم الجمهور
- الحضور الحضور لاهل الخرج والقصيم والشرقية .. وأخص اهل الرياض مالهم اي عذر لازم تشرفون واجهتنا الملكية في الرياض
- اي موضوع يطرح في المنتدى للتشويش على الاهلي فهدفه الاساسي المشاكل بين الجمهور .. حتى الرد عليه يساعده لذلك اتركوهم ببساطة وارجعوا لهم بعد المباراة
- عقود اللعيبة وتجديدهم وامورهم الصحية من اصابات وغيره عند ادارتنا ومنهم ناخذ الخبر .. ماعمرهم صدقوا ناس ما تمنت لنا الخير من جرايد من اعلاميين ابو كلب من نوادي اخرى
- اعيد واكرر الحضوووووور الحضووووووووور وباذن الله الفوز ملكي !!
وهذا تصميم مني للمباراة /
بالتوفيق ياملوك
