سالفة رفيجتي موهقتني ساعدوني !!

شلونكم بنات

باختصار سالفة رفيجتي ومو عارفه انصحها بصراحه خفت انصحها واوهقها


رفيجتي تقدملها واحد وقبل لا ايي سوت عنه سيرج بتويتر ولقته شافت صورته ماتقبلته وقالت لامها لا ايي ، الريال مافيه شيء بس من الله البنت ماتقبلته ، امها قالتلها لاتحكمين عالصورة قعدي معاه وشوفيه يو اهله بيتهم طبعا الام حدها يازتلها رفيجتي والخاله بعد ، رفيجتي مملوحه وادش القلب فاهله يازتلهم وحبوها ، دش الولد قعدت معاه البنت بالبداية حست انه خايفه دقايق والا تتأقلم وصدرها انشرحله وقبلها كانت مستخيره طبعا فلما قعدت معاه عجبها ودش قلبها الريال واهو ياخذ ويعطي معاها فتوقعت انه عجبته اهي بعد وطبعا تدرون الكويت صغيره فناس تعرف ناس صدف اشخاص اهل رفيجتي واهل الولد يعرفونه بعض ومن هالحجي

المهم

الي وصلت او حبت توفق راسين بالحلال اقصد الي قالت عن رفيجتي وحده من جماعة رفيجتي وقالت انه الام تبي رفيجتي وبندق عليهم من كلامها الولد موافق

الصدمة


دقت الام قالت الولد استخار ومحتار يعني ماكو نصيب

البنت قالت الحمدلله خيره الي اهي رفيجتي
بس يا بنات من يومها البنت مو طالع من راسها الريال تقول ارتحتله وايد مو شوي وعندها احساس انه الام بتدق مره ثانيه بس رفيجتي كلش مو قادره تصبر تفكر فيه وايد اول مره يصادفها هالموقف

فقالت بدش عليه بتويتر ودي اقوله قولي بويهي مابيج مارتحتلج ابي اطلعه من راسي وبالي ساعات تنجح ويرد يدش أبالها !!!

أنا احترت وياها بنات شنصحها !!


فيدوني بليز