وايد متضايقة

مرحبا بنات
حبيت افضفض عن الي بقلبي اذا ماعندكم مانع
:eh_s(11):

يعني لين متى بتم اعاني بروحي واخش وانا كل يوم اتالم من هالشي
بصراحة وايد متضايقة من فترة طويلة كل حد متغير علي
امي ماعادت مثل الامهات صارلها فترة طويلة مقاطعتني وهالشي مسببلي الم قوي
حاولت اكلمها وعطتني طاف جان تيني غصه واروح ..
كله تسولف مع اختي الي اكبر عني بسنة جدامي
اما اختي لها تاريخ طويل من ايام المدرسة في استفزازي وكله تدور علي اتفه الامور
وتعايرني فيها وتتطنز وتحاول تسوي فتن بس كنت اطنشها ومرات ارد عليها
بس ماكنت ابي اخسرها كاخت لكن هي مو فارقة معاها مكملة حياتها وماتبا تكلمني
لكن انا احس اني بنهار والا قولوا انهرت وخلاص كم مرة
كم ادعي وادعي بس مايتغيرون وكله مسويلي طاف احس قلبي ماعاد يتحمل
يوم احتاج حد مالي حد اشكيله بحاجتي حتى لو ابي اطلع كل الامور بايد امي
احس بغصة شديدة واني بختنق كل يوم حتى يوم ايلس معاهم مايرمسوني
لا يزقروني ولا يتلفتون صوبي ابد ومرات ادخل الحجرة اشوفهم جي اطلع لان احس قلبي بيوقف
والامور عادية عندهم ياعالم انا بشر لي احاسيس والله هالمعاملة قاعدة تقهرني بقوة
ودايما امي توقف بصف اخواني مع انهم هم الي يبتدون ويغلطون علي كل مرة
مرة ومرتين وثلاث الا قولوا كل مرة وغيرها تسمعني الكلام مثل السم ...
اخر شي عصبت عليها لان يودت يودت بس يكفي وتسير تفتن عند ابوي وعمي ومرت عمي وتقول هذي فيها وفيها
وصارت فترة ترمسني عن طريق مرت عمي وكله تنقلي اهانات
شو هذا ..
انا ليش موجودة في الحياة اذا هي تعاملني جي ؟
ليش تعامل اخواني الاصغر والاولاد بطريقة افضل مني
انا قاعدة اتحسس من هالاشياء بشدة لان يوميا اشوف بعيني الفرق
احس اني ذايبة ومحترقة من داخل ..
اما ابوي عمره ما وقف صوبي ولا كلمني عاطني انطباع انه مايرمسني ابد
وتم على هالشي من زمان وانا الي عبالي انا مقصرة وايلس الوم نفسي سنين واصيح
وطلع اصلا محد مسويلي سالفة ولا اعتبار لكل هالالام الي مريت فيها
احس اني ابا انسى ومحترة في نفس الوقت وابي اتكلم ..
مرات اقول ليت لاارض تنشق وتبلعني وعسى محد يذوق الي ذقته
بس ماتخيل اني بعيش حياة سعيدة ابد
يعني ماحس اني مثل البنات الطبيعيات يدرسون ويستانسون ويعرسون وحياتهم حلوة
احس اني جدام جبل من الاحباط ..

خايفة حتى من الكلام الي قاعدة اكتبه احس كل شي بينجلب ضدي ..
واحاتي كل شي اسويه واي كلمة اقولها حتى ما اجرح حد
لكني خلاص ماعدت اتحمل جروح قمت اعصب واتنرفز بس وين الي يسمعني
ولا يفهمني ولو شوي ..

:eh_s(11):


وسوري اذا تعبتكم معاي بموضوعي