لكل مطلقه حياتج الجايه احلا من قبل وبتردين احلى عروس ﻻتأثر فيج تجربه فاشله حياكم ..
صباحكم ورد يا احلى كويتيات
ابشركم ولله الحمد تطلقت
الحمدلله الحمدلله الحمدلله
ابدآ ابدآ ابدآ مو زعلانه بالعكس مستانسه ومرتاحه وكلي نشاط وحيويه ابي ارد البنوته الحلوه الي قبل الي تحب العنايه والاهتمام والدلع وكل شي جديد وحلو اسويه ابي ارد راقيه مالت قبل حلوه حياتي قبل والحين احلى بوجود ولدي حبيبي نور عيني وبيعوظني ربي بالي يسعدني عندي يقين ان ربي بيعطيني على قد نيتي
طلعت من حياة الهم والغم والقهر والمشاكل تعبت بحياة هالانسان وجهي اصفر تحت عيني صار اسود وازرق من البجي دايمآ عندي هبوط ماقمت اطلع وﻻ اروح مكان مايخلي اتعدا عتبت الباب مع احد احباط ويأس ما كأني بنت عمرها 20 سنه اي عمري 20 والاغلبيه منكم مايعرف شفت الظيييم عرفت شنو معنى كلمت جاره بسبب ام زوجي صارة نفس الضره نفس الجاره شلت الهم والغم فوق راسي وانا بعز الزهور
دعيت ربي افتك منه وارد البنوته النشيطه مالت قبل الي تحب الالوان والحياه والنشاط والاهتمام والعنايه بكل شي تحب كل شي مميز ومختلف رديت مثل قبل واحسن اللهم لك الحمد والشكر ماشاءالله تبارك الله
ماتأثرت وﻻسويت نفس بعض البنات انا مطلقه و ولدي و و و و الحمدلله ولدي عندي انا وماماتي صحيح ماكنت احب اتزوج واتطلق مافي بنت تحب هالشي لعمرها ﻻكن هذا نصيبي مكتوب لي هالشي من كنت في بطن امي والحمدلله موناقصني شي حلوه وجميله وانيقه وذربه ومرتبه صغيرة سن وجامعيه وخلوقه اللهم لك الحمد والشكر الي ماتعرفني ادش بروفايلي وبتعرف منو راقيه وجذابه الي ماقدر قيمة انسانه فرشت له القاع ورد وعود وحط له القمر بيد والشمس بيد وشالته على كفوف الراحه ما ابجي عليه وﻻ تهتز فيني شعره باجر تجيه الي تخليه يقول يازين ذيك السنعه الي كانت عندي حزتها ماراح يفيده الندم وبيعرف قيمتي ..
لكل مطلقه ﻻتخلين تجربتج الفاشله مع انسان فاااااشل تخرب حياتج ومستقبلج وجمالج ﻻ خليها درس لج وقولي لعمرج الجاي احس ردي لعناينج بنفسج وقت تجهيزج تذكري هالايام وقولي مافي شي يمنعني ارد عروسه واحلى من العرايس بعد
يالله كل المطلقات حياكم قسم العروس نعتذر منكم خواتي المتزوجات هالقسم كأيب مانبيه ههههههههه
أحبكم وأحب الي يحب كويتيات يا أحلى خوات بدنيا ادعولي الله يديم علي هالفرحه وربي يعوظني وياكم بالرياجيل الي يسعدونا يارب
يالله يالله عنايه نظافه اهتمام تغذيه عرايس من جدييييييييييييييد
