اكمل ولا ما اكمل ابي رايكم خصوصا اللي زوجها اصغر منها

الـسـلام عــليكم

من بعد ما كنت زائرة لوقت طويل سجلت عشان استشيركم بموضوعي

انا الحين عمري 25 سنه ومن قبل سنتين تعرفت على واحد ببرنامج أصغر مني ب 3 سنين

سوالفنا وعلاقتنا كانت بحدود الصداقة و لازم تقريبا يوميا نناقش احداث يومنا واعطيه رايي ويعطيني رايه

شكثر استفدت منه وبالمقابل شكثر استفاد مني

ادري علاقتنا غلط وكنت دااااااايماا احس بالذنب بس كونه اصغر مني ولان علاقتنا ما كانت مصخرة وقلة ادب فهالشي خلاني اكمل معاه على الرغم من الاحساس بالذنب

علاقتنا لى يومكم ما تعدت دردشه كتااااااابيه اصلا رقمي ما يعرفه لأن بالنسبة حق معلوماتي الشخصية كنت احسب حق كل شي وبالقطااره اقوله

مع ان اهو بعد مدة حيل وثق فيني وقالي كل شي حساباته بتويتر وانستقرام ورقمه الجامعي وباسورداته ورقمه وكان يشاركني باسراره العائلية حتى

المهم مالكم بالطويلة اهو الحين عرف اسمي واصلي وكان يعرف من وين متخرجه وبعيد ميلاده ال 22 صارحني بحبه وان يبي يخطبني وعنده وحده من خواته حييل معاه ويبي يكلمها عشان تكون اهي حلقة الوصل وتقول حق امه عني بدون لا تدري امه بعلاقتنا

انا ما زلت اشوفة بنظرة الصديق اللي ارتاحله ولو اسولف معاه بالساعات ما أمل واللي ودااايماا يفهمني

سلبيات الموضوع :
1- اصغر مني ب 3 سنين
*- طريقة زواجنا مو عاجبتني شلون راح نجذب على اهلنا وخطط وافلام
3- انا تربيت ببيئة غير بيئتهم عادي اروح واجي على راحتي طلعات مع رفيجاتي او مع بنات خوالي بروحنا وعادي انا اروح اخلص شغلي بروحي ادفع فواتيري أو اذا ابيلي شي من السوق اروح ازرق اجيبه
واهو يقول ما يصير بنات يطلعون بروحهم ومابي نقاب ويقول يبيني اتنقب

ايجابيات الموضوع :
1- عقله اكبر من عمره وطيب وخلوق ومحترم متفهم واغلب المواضيع يحب يناقش فيها مو يفرض رايه
*- يحبني
3- فاهمين بعض ومشاءالله سوالفنا مع بعض ما تخلص
4- شكلي حيل اصغر من عمري دايما يعطوني 17 او 18 واهو العكس كله يعطونه اكبر من عمره


شراايكم ؟ اكمل بالموضوع ولا انهيه ؟؟
اللي متزوجه واحد اصغر منها تحسفتي ولا لا ؟