ياسر المسيليم والسوادي فاششلين

السلام عليكم ورحمة الله وبركاته

من بداية الموسم وأنا كل ما كنت أكتب موضوع كنت أقول ياسر المسيليم ( الاسد ) .
ولكن كان يتشمت ( المندسين والمخربين والحاقدين ) ويقولو ياسر انتهى والحراسة الاهلاوية " ضاعت " .

ولكن كنت أعرف بداخلي إن ياسر صاحب ال28 ربيعا مازال ( أســـد ) ويقدر يحمي عرين الملوك لسنين طويلة .

كل اللي حصل له دروب في مستواه بسبب استخدام ( خاطئ ) للحراس من قبل ياروليم ( اسلوب المداورة بين الحراس ماينفع ) .

اسلوب المداورة ينفع لما تلعب مع فرق ( صغيرة ) مو تجيب الحارس الاحتياطي وتخليه يشارك في البطولة القارية والحارس الاساسي تلعبه في البطولات المحلية فقط
يعني الحارس الاحتياطي افضل من الاساسي عشان تلعبه في اهم بطولة يشارك فيها النادي !!!

كلكم شفتوا ابداع ياسر في الفترة الاخيرة وهذا هوا مستواه " الحقيقي " وما اقول الا عيني باردة عليك والف الف ماشاء الله عليك ياياسر الاسد .

أعتذر لسلطان السوادي " التكتيكي " لأني أنسقت مع المخربين والمندسين وهاجمته وطالبت بإبعاده في أغلب فترات الموسم .
الاعب بدأ يتعلم من خبرة تيسير وبرونو واسامة وكامل وغيرهم "السوادي" على الدرب " واصل " ليكون لاعب أساسي مهم في تشكيلة الملكي بإذن الله .
أنا ما ألومه إذا أخفق في أغلب الاحيان ولكن ! "في ناس واقفة على الارض بس ماتعرف توقف " .
فمابالك بلاعب صغير بالسن غير الربشة والخوف وغيرهم ..

نصيحة *

أي لاعب يرتدي شعار الملكي لازم نوقف معاه ونشجعه ونسانده حتى يعود لمستواه الحقيقي .
محسن العيسى*صاحب اللمسات السحرية بس يبغى له فرصة فلا تهاجموه حتى وهو احتياطي .
معتز الموسى * محور هجومي مبدع ولكن كل اللي يحتاجه إنكم توقفو معاه وتبطلو هجوم على كرشته
كامل المر * أقسم بالله إنه لاعب مهاري جداااااا ولكن ضحية للمندسين اللي يتصيدو اشباه الاخطاء ليوقعو بينه وبينكم .
يعني معقولة لاعب لعب الموسم الماضي جميع مباريات الدوري باستثناء مباراة واحدة بسبب الكرت الاحمر يصنف هذا الموسم من الفاشلين !!

أمس أنا أتفرج المباراة مع اتحادي سألني فين كامل المر وليش مايلعب ؟ قلتله احتياطي
قال والله إنه مبدع مانسيت تسحيبه في باولو جورج والكبري الاليم اللي تفنن فيه على باولو جورج .

كل اللي هاجمو اللعيبة لازم يراجعو أنفسهم قبل لا يهاجمو أي لاعب في المستقبل القريب *

مبروك عليكم المجنون الجديد " برونو سيزار " وأعتذر على العنوان اللي بعيد عن المحتوى ولكن فقط لجذب أكبر عدد من الجماهير لكي يعرفو قيمة ياسر 2007 والسلام ختام .